Pólland 1 - 3 Austurríki
0-1 Gernot Trauner ('9 )
1-1 Krzysztof Piatek ('30 )
1-2 Christoph Baumgartner ('66 )
1-3 Marko Arnautovic ('78 , víti)
0-1 Gernot Trauner ('9 )
1-1 Krzysztof Piatek ('30 )
1-2 Christoph Baumgartner ('66 )
1-3 Marko Arnautovic ('78 , víti)
Austurríki og Pólland áttust við á Evrópumóti landsliða í dag og úr varð skemmtileg viðureign, þar sem Austurríki tók forystuna snemma leiks.
Gernot Trauner skoraði þá með skalla eftir fyrirgjöf á níundu mínútu en Krzysztof Piatek jafnaði fyrir Pólverja á 30. mínútu. Piatek skoraði eftir mikinn atgang í teig Austurríkismanna í kjölfar hornspyrnu, þar sem hann var réttur maður á réttum stað þegar boltinn datt niður í teignum.
Það ríkti þokkalegt jafnræði með liðunum í fyrri hálfleik þar sem Pólverjar virtust þó líklegri til að skora, en staðan var 1-1 í leikhlé.
Austurríkismenn voru sterkari aðilinn í síðari hálfleik og verðskulduðu að taka forystuna þegar Christoph Baumgartner skoraði á 66. mínútu eftir undirbúning frá Marko Arnautovic og Alexander Prass.
Arnautovic innsiglaði sigurinn svo sjálfur með marki úr vítaspyrnu á 78. mínútu, eftir að Wojciech Szczesny var dæmdur brotlegur innan vítateigs.
Lokatölur 1-3 fyrir Austurríki sem er í þriðja sæti og á eftir að spila við Holland í lokaumferð riðlakeppninnar.
Pólverjar eru án stiga og eiga eftir leik gegn Frakklandi.
Mörkin úr leik Pólverja og Austurríkis í dag. Pólverjar sitja nú í súpunni, neðstir í riðli án stiga ???????? pic.twitter.com/j4F8nuDPmY
— RÚV Íþróttir (@ruvithrottir) June 21, 2024
Athugasemdir