Wrexham hefur keypt barinn heimsfræga

„Kaupin á The Turf munu hjálpa til við að vernda þessa sögufrægu krá og fela í sér tækifæri til að efla núverandi áhorfendasvæði og aðra starfsemi tengda upplifun áhorfenda," segir í tilkynningu Wrexham.

„Fastakúnnar sem mæta ekki á leikdegi geta einnig verið vissir um að upplifun þeirra verður óbreytt, þar sem núverandi leigusali Wayne Jones heldur áfram að reka The Turf dag frá degi."

Leikararnir Ryan Reynolds og Rob McElhenney eiga Wrexham og The Turf varð heimsfrægur bar í gegnum þættina Welcome to Wrexham. Liðið leikur í ensku B-deildinni.