sun 22. maí 2022 21:40
Brynjar Ingi Erluson
Kvaddi með því að gefa stuðningsmanni fingurinn
Edinson Cavani
Edinson Cavani
Mynd: Getty Images
Ralf Rangnick, stjóri Manchester United, staðfesti fyrir leik liðsins gegn Crystal Palace að Edinson Cavani myndi yfirgefa félagið eftir tímabilið.

Cavani kom til United á frjálsri sölu fyrir síðasta tímabil og skoraði 17 mörk í 39 leikjum en hefur verið mikið fjarverandi á þessari leiktíð.

Hann missti af 23 leikjum í ensku úrvalsdeildinni vegna meiðsla og annarra ástæðna en kom við sögu í síðustu þremur leikjum deildarinnar.

Cavani byrjaði í síðasta leik sínum fyrir United í dag í 1-0 tapi gegn Crystal Palace. Stuðningsmenn hreyttu í hann alls konar ófögrum orðum er leikmenn voru á leið í liðsrútuna en Cavani kvaddi einfaldlega með því að gefa einum stuðningsmanninum puttann.

Hann gekk síðan inn í rútuna og hefur því kvatt félagið fyrir fullt og allt. Myndband af atvikinu má sjá hér fyrir neðan.


Athugasemdir
banner
banner
banner
banner