Sparkspekingurinn Garth Crooks velur úrvalslið hverrar umferðar í ensku úrvalsdeildinni fyrir BBC og var hann beðinn um að velja úrvalslið tímabilsins hingað til, nú þegar deildinni hefur verið frestað.

Val Crooks hefur vakið mikið umtal, sérstaklega í ljósi þess að aðeins er pláss fyrir tvo leikmenn úr Liverpool í liðinu. Það þrátt fyrir að Liverpool sé með 25 stiga forystu á toppi deildarinnar.

Manchester United á einnig tvo fulltrúa í liðinu.

Meðal stórra nafna sem komast ekki í liðið eru Mohamed Salah og Trent Alexander-Arnold hjá Liverpool og Sergio Aguero, sóknarmaður Manchester City.