Lengjudeildin: ÍBV endar tímabilið á sigri

Eyjamenn komust yfir strax á 2. mínútu er Sigurður Grétar Benonýsson kom boltanum inn fyrir opnu marki. Grótta komst yfir með tveimur mörkum áður en flautað var til hálfleiks.

„Vörn ÍBV eins og gatasigti þarna. Kemur vippusending á Kjartan sem nær snertingu, boltinn fer af Halldóri sem mætti út á móti og Kjartan kemst aftur í boltann. Hann vippar svo boltanum yfir skriðtæklingu sem átti að bjarga marki." svona lýsti Sæbjörn Steinke öðru marki Gróttu í textalýsingu.

Arnar Þór Helgason varð fyrir því óláni að skora sjálfsmark og jafna metin. Sito kom inná sem varamaður á 66. mínútu og hann lagði upp sigurmark Eyjamanna fyrir Sigurður Arnar Magnússon þegar skammt var eftir af leiknum.

Gróttu mistókst því að fara upp í 4. sæti deildarinnar, enda í 5. sæti með 35 stig en Eyjamenn í 2. sæti með 47 stig. Lengjudeildinni lýkur svo á morgun með viðureign Vestra og Kórdrengja.