Fabio Carvalho skoraði og lagði upp

Mynd: Getty Images

Hull City vann gríðarlega sterkan sigur á Coventry í baráttunni um umspilssæti í Championship deildinni í kvöld.

Jaden Philogene kom Hull yfir eftir undirbúning Fabio Carvalho en Kasey Palmer jafnaði metin stuttu síðar.

Hull fékk vítaspyrnu undir lok fyrri hálfleiks og Cavalho steig á punktinn og skoraði og endurheimti forystuna fyrir Hull. Aftur tókst Coventry að jafna en það var síðan Noah Ohio sem tryggði Hull sigurinn.

Hull er í 7. sæti með 69 stig, þremur stigum á eftir Norwich sem er í 6. og síðasta sætinu í umspilinu. Coventry er í 8. sæti með 63 stig en á leik til góða.