Luke Shaw er byrjaður að æfa aftur á fullu með enska landsliðinu sem nú tekur þátt á EM í Þýskalandi.
Þessi 28 ára gamli vinstri bakvörður hefur verið frá vegna meiðsla síðan í febrúar.
Gareth Southgate, landsliðsþjálfari Englands, tók þá ákvörðun að velja hann í enska hópinn fyrir EM en hann hefur verið að klára endurhæfingu sína síðustu daga.
Það var óttast á tímapunkti að Shaw þyrfti að yfirgefa hópinn og halda heim til Manchester, en svo verður ekki.
Kieran Trippier hefur spilað í vinstri bakverði fyrir England í fyrstu tveimur leikjunum á EM, en það verður frábært fyrir liðið að fá Shaw aftur.
Athugasemdir