U19: Gunnleifur skoraði í tapi gegn Bandaríkjunum

Íslenska U19 landsliðið mætti Bandaríkjamönnum í Portúgal í dag, bandarísku strákarnir unnu 2-1 sigur.

Leikurinn er liður í alþjóðlegu æfingamóti og mætir íslenska liðið næst heimamönnum í Portúgal á laugardag. Sá leikur verður í beinni útsendingu á KSÍ TV í Sjónvarpi Símans.

Varamaðurinn Gunnleifur Orri Gunnleifsson skoraði mark Íslands eftir hornspyrnu eftir að bandaríska liðið hafði komist í 2-0.