Umspilið fyrir HM í dag - Stuðningsmenn Heimis og Írlands hittast á Ölveri

Umspilið fyrir HM í Bandaríkjunum, Kanada og Mexíkó hefst í kvöld. Undanúrslitaleikirnir verða þá spilaðir.

Heimir Hallgrímsson og lærisveinar í Írlandi spila í Tékklandi klukkan 19:45 en ef þeir vinna þar þá mæta þeir annað hvort Danmörku eða Norður-Makedóníu í hreinum úrslitaleik um sæti á mótinu.

Stuðningsmenn Heimis og Írlands ætla að hittast á Ölveri í Glæsibæ í kvöld og horfa á leikinn. Tilboð verður á írskum drykkjum og er von á góðum hópi Eyjamanna á staðinn.