Hermann Hreiðarsson
„Við fengum öll bestu færin, 5-6 dauðafæri og spurning hvort eitthvað af því sé inni ég veit það ekki. En við fengum urmul af færum hérna, mikið í restina en líka í fyrri hálfleik. Ég er ánægður með spilamennskuna og hugarfarið í mínu liði í dag og það stemming í mínu liði. Það vantaði bara mörkin. “ Sagði Hermann Hreiðarsson þjálfari ÍBV um leikinn eftir markalaust jafntefli hans manna gegn Njarðvík í Njarðvík fyrr í dag.
Lestu um leikinn: Njarðvík 0 - 0 ÍBV
Aðstæður í dag voru nokkuð erfiðar fyrir leikmenn á vellinum. Talsverður vindur var og völlurinn nokkuð þurr. Aðstæður þó sem Eyjamenn ættu að þekkja.
„Enda komumst við í nokkur góð færi og ekkert að því. Það er ekkert að spilamennskunni boltinn vildi bara ekki alveg inn í dag. Setjum hann í stöngina og hann varði hrikalega vel þrisvar fjórum sinnum hjá þeim. Það er ekkert mikið meira sem við getum gert.“
Næst á dagskrá hjá liði ÍBV er að taka á móti liði Fjölnis á heimavelli. Verkefni sem leggst vel í Hermann og félaga?
„Við erum á góðri siglingu og ánægðir með hvernig liðið er að spila. Við þurfum að hafa fyrir hlutunum og erum að sinna skítavinnunni vel og erum að uppskera þessi færi. Það er bara að setja hann í netið.“
Sagði Hermann en allt viðtalið við hann má sjá hér að ofan.
