Ítalía: Bologna upp að hlið Roma

Torino-menn komu boltanum í netið á 18. mínútu. Nikola Vlasic skoraði með frábæru skoti, en markið var dæmt af vegna rangstöðu í aðdragandanum.

Gestirnir fengu nokkur góð færi til viðbótar í fyrri hálfleiknum en náðu ekki að taka forystuna.

Bologna nýtti sín færi í þeim síðari. Giovanni Fabbian skoraði með góðu skoti á 56. mínútu og undir lokin gerði Joshua Zirkzee út um leikinn með öðru marki Bologna.

Liðið er í 6. sæti með 21 stig og er því komið upp að hlið Roma, sem situr í 5. sæti.

Verona og Lecce gerðu 2-2 jafntefli. Milan Djuric tryggði Verona stig með marki þrettán mínútum fyrir leikslok. Verona er í 19. sæti með 9 stig en Lecce í 13. sæti með 15 stig.

Úrslit og markaskorarar:

Bologna 2 - 0 Torino
1-0 Giovanni Fabbian ('56 )
2-0 Joshua Zirkzee ('90 )

Verona 2 - 2 Lecce
0-1 Remi Oudin ('30 )
1-1 Cyril Ngonge ('41 )
1-2 Joan Gonzalez ('69 )
2-2 Milan Djuric ('77 )