Erik ten Hag, knattspyrnustjóri Manchester United, er einn af fjölmörgum innan fótboltaheimsins sem heimta breytingar á skipulagsmálum - sérstaklega leikjafyrirkomulaginu.
Menn eru almennt sammála um að það sé alltof mikið leikjaálag á fótboltamönnum enda eru meiðsli gríðarlega tíð í íþróttinni. Til að mynda eru 112 leikmenn fjarverandi vegna meiðsla eftir svo lítið sem sex umferðir af úrvalsdeildartímabilinu á Englandi. Það er um 15-20% af öllum leikmönnum deildarinnar.
Ten Hag telur leikjaálagið vera byrjað að segja til sín strax á upphafi nýs tímabils enda eru hvorki meira né minna en átta leikmenn liðsins fjarverandi vegna meiðsla. Rauðu djöflarnir eiga heimaleik gegn Crystal Palace á morgun, tæpum fjórum dögum eftir að liðin áttust við, einnig á Old Trafford, í deildabikarnum.
„Það var HM á miðju tímabili og þar af leiðandi var tímabilið lengt. Svo er Þjóðadeildin inn á milli og leikmenn fá styttra sumarfrí fyrir vikið. Það er alltaf verið að finna nýja leiðir til að auka leikjaálagið, þetta gengur ekki lengur," sagði Ten Hag. „Ég og kollegar mínir höfum bent á þetta oft áður en það virðist ekki skipta neinu máli.
„Leikmenn geta ekki höndlað þetta lengur og ég held að það sé ástæðan fyrir öllum þessum meiðslum í leikmannahópinum hérna."
Margir leikmenn úr toppliðum í Evrópu spiluðu gífurlegt magn leikja á síðustu leiktíð og fengu svo aðeins fjögurra vikna sumarfrí eftir að Þjóðadeildinni lauk 18. júní og undirbúningstímabilið hófst svo í fyrrihluta júlí.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
