Palmeiras frá Brasilíu tryggði sér sigur í Meistaradeild Suður-Ameríku (e. Copa Libertadores) aðfaranótt sunnudags.
Liðið hafði betur gegn Flamengo (einnig frá Brasilíu) í úrslitaleiknum eftir framlengingu.
Raphael Veiga kom Palmeiras yfir eftir fimm mínútna leik, en Gabriel Barbosa jafnaði metin þegar 18 mínútur voru eftir. Í framlengingunni nýtti Deyverson sér mistök frá Andreas Pereira, lánsmanni frá Manchester United, og skoraði sigurmarkið.
Þetta er í þriðja sinn sem Palmeiras vinnur keppnina. Félagið tók sinn fyrsta titil árið 1999 og sinn annan í fyrra.
Þetta er í fyrsta sinn síðan 2001 að lið ver titilinn. Boca Juniors frá Argentínu gerði það síðast.
Athugasemdir