Fær að fara næst í klippingu eftir að hann skorar

„Væri ekki fínt hja Brynjolfi að fara setja boltann svona einu sinni i markið, 3 mismunandi hárgreiðslur 0 mörk," skrifaði Aron Elís Þrándarson, leikmaður OB, á Twitter í gærkvöldi.

Aron talaði þar um Brynjólf Andersen Willumsson, leikmann Breiðabliks, en hann mætti með nýja hárgreiðslu í leik liðsins gegn Fjölni í gærkvöldi.

Brynjólfur hefur mætt með nýja hárgreiðslu í öllum umferðunum hingað til í Pepsi Max-deildinni. Brynjólfur hefur fiskað víti og átt stoðsendingu í sumar en hann á ennþá eftir að skora.