lau 30. nóvember 2019 22:22
Guðmundur Aðalsteinn Ásgeirsson
Jöfnun á félagsmeti hjá Liverpool
Mynd: Getty Images
Liverpool hefur ekki tapað í 31 leik í röð í ensku úrvalsdeildinni og er það jöfnun á félagsmeti.

Liverpool vann 2-1 sigur á Brighton í dag þrátt fyrir að markvörður liðsins, Alisson, hefði fengið að líta rauða spjaldið á 76. mínútu.

Liverpool er á toppnum með 11 stiga forskot á næstu lið, en Leicester getur minnkað forskotið í átta stig á morgun.

Opta segir frá því að Liverpool hafi í dag jafnað félagsmet sitt með því að fara í gegnum 31. deildarleikinn án þess að tapa. Það gerðist síðast hjá Liverpool 1987-88.

Liverpool getur bætt metið á miðvikudaginn. Þá taka lærisveinar Jurgen Klopp á móti Everton í grannaslag.


Athugasemdir
banner
banner
banner