Á morgun mætast Ísland og Pólland í fyrsta leik undankeppninnar fyrir EM. Leikurinn hefst klukkan 16:45 og fer fram á Kópavogsvelli.
Það verður áhugavert að sjá hver verður í markinu en horft utan frá stendur valið fyrir þennan leik á milli Telmu Ívarsdóttur og Fanneyjar Ingu Birkisdóttur. Auður Sveinbjörnsdóttir Scheving er einnig í hópnum.
Það verður áhugavert að sjá hver verður í markinu en horft utan frá stendur valið fyrir þennan leik á milli Telmu Ívarsdóttur og Fanneyjar Ingu Birkisdóttur. Auður Sveinbjörnsdóttir Scheving er einnig í hópnum.
Telma varði mark liðsins í umspilsleikjunum gegn Serbíu fyrr á þessu ári og hefur staðið í markinu í sjö af síðustu átta leikjum liðsins. Í leiknum gegn Danmörku í desember var Fanney í markinu og átti frábæran leik í frumraun sinni með landsliðinu. Fanney gat svo ekki spilað gegn Serbíu í umspilinu vegna meiðsla.
Landsliðsþjálfarinn Þorsteinn Halldórsson var á fréttamannafundi spurður hvort það væri hausverkur að velja hver ætti að vera í markinu gegn Póllandi.
„Já, það var alveg ágætis hausverkur, en ég er búinn að ákveða það og sá hausverkur er farinn."
„Ég horfi heilt yfir á hvernig þær hafa verið að spila undanfarið og hvað ég tel best í stöðunni," sagði Steini.
Athugasemdir