Lestu um leikinn: Víkingur R. 2 -  2 Fylkir

Víkingar fengu gullið tækifæri til að komast yfir um miðbik fyrri hálfleiks. Shaina Ashouri fór á punktinn en Tinna Brá Magnúsdóttir markvörður Fylkis gerði sér lítið fyrir og varði frá henni. Víkingar komust þó yfir í blálok fyrri hálfleiks þegar Sigdís Eva Bárðardóttir skoraði á 43.mínútu. Sú forysta entist þó ekki fram að hálfleik en MIst Funadóttir jafnaði fyrir Fylki aðeins mínútu síðar. Hálfleikurinn væntanlega verið ansi þungur?

„Við fórum yfir nokkra hluti og skerptum á því sem við erum góðar í sem við vorum alls ekki að sýna í fyrri hálfleik.“

Hvað þyngli varðar jók enn í við upphaf síðari hálfleiks þegar Fylkir komst yfir með marki úr vítaspyrnu. Alvöru kjaftshögg fyrir Kötlu og hennar liðsfélaga.

„Það var frekar leiðinlegt, en það gerist og bara áfram gakk. “
Katla framlengdi á dögunum samning sinn við Víking líkt og tilkynnt var nú fyrir helgi. Var aldrei nein spurning í hennar huga að skrifa undir á ný hjá Víkingum?

„Nei aldrei spurning. Hamingjan er hér, það er hamingja í vatninu.“

Sagði Sigurborg Katla en allt viðtalið við hana má sjá hér að ofan.