SKÝRSLAN: Blaut tuska í fésið á Fjölni
Hvað réði úrslitum?
Það stefndi allt í sigur Fjölnismanna þangað til að Guðjón Baldvinsson ákvað að henda í sturlað mark til að slumma blautri tusku í fésið á Fjölnismönnum og jafna metin á 77. mínútu. Ekki sanngjörn úrslit ef á heildina er litið því Stjörnumenn voru ömurlegir mest megnis en unnu alveg pínu fyrir sínu í lokin. Veigar Páll gjörbreytti leiknum fyrir Star þegar hann kom inn á.
Bestu leikmenn
1. Gunnar Már Guðmundsson
Var allt í öllu. Skoraði mark og alltaf hættulegur. (Nánast) alltaf á réttum stað á réttum tíma en hefði getað slúttað þessu fyrir Fjölni þegar hann var einn á móti Gunnari Nielsen.
2. Veigar Páll Gunnarsson
Leikur Stjörnumanna gjörbreyttist eftir að Veigar kom inn á og voru þeir miklu líflegri eftir það. Kórónaði svo daginn þegar hann lagði upp á Gauja Bald.
Atvikið
Stunnerinn hans Gauja Bald. Punktur. Illað mark.
Hvað þýða úrslitin?
1 stig á haus. Stjarnan enn í bullinu í 8. sæti með formið J-T-T-J-T sem er langt langt langt því frá að vera sæmandi fyrir Íslandsmeistara. Fjölnismenn fara með sárara enni úr þessum leik og halda sér þó í 5. sætinu.
Vondur dagur
Pablo Punyed. Ahh, sorry maður. Gerði mörg mistök í fyrri hálfleik og var bara vondur yfir allt. Veit ekki af hverju hann var inná í 90 mín.
Dómarinn - 7
Gerði engin stór mistök og hélt vel á spöðunum. Svo sem ekki mikið af vafaatriðum fyrir Guðmund Ársæl að setja puttana í.