SKÝRSLAN: KA-menn tryggðu sér bikar gegn Grindavík
Hvað réði úrslitum?
KA-menn voru mun betri aðilinn í leiknum. Það gekk hinsvegar illa að nýta færin og þeir voru 1-0 undir í háflleik. Í seinni hálfleik gekk betur að nýta færin og KA-menn náðu í sigurinn sem þeir þurftu.
Bestu leikmenn
1. Hallgrímur Mar Steingrímsson
Hallgrímur spilað mjög vel í dag og var sífellt ógnandi. Hefur spilað betur og betur eftir því sem liðið hefur á mótið. Skoraði úr vítaspyrnunni af miklu öryggi.
2. Hrannar Björn Steingrímsson
Hrannar spilaði vel í dag líkt og bróðir sinn. Var nokkuð solid varnarlega og öflugur sóknarlega. Lagði upp fyrsta mark KA-manna með frábærri sendingu á Ásgeir.
Atvikið
Vítaspyrnudómurinn í seinni hálfleik. Hallgrímur skoraði annað mark KA úr víti sem hann fiskaði sjálfur. Vítaspyrnu dómurinn virtist einfaldlega vera rangur þar sem Björn virtist ná til boltans. Annar leikurinn í röð þar sem Grindvíkingar fá á sig umdeilt víti.
Hvað þýða úrslitin?
KA-menn tryggja sér með sigrinum deildarmeistaratitilinn í Inkasso deildinni árið 2016. Grindvíkingar enda hinsvegar í öðru sæti deildarinnar.
Vondur dagur
Dómarateymið. Sjá betur í liðnum dómarinn. Undarleg ákvörðun hjá KSÍ að vera ekki með stærri dómara á þessum leik þar sem mikið var undir.
Dómarinn - 4
Dómarateymið virtist ekki ráða við þennan leik. Mikið af mistökum og óöryggi í dómgæslunni. Tvö stór atriði voru röng. Eitt á hvort lið. Rodrigo Mateo átti klárlega að fá sitt annað gula spjald í seinni hálfleik þegar hann tók Hallgrím Mar niður. Einnig var vítaspyrnudómurinn rangur þar sem Björn Bryde virtist fara í boltann. Svona má ekki gerast á eins stórum leik og þessum.