Það er hægt að taka svo mikið út úr þessum leik. Það var ekkert eitt atriði sem réð úrslitum hér í dag. Tvö góð lið mætust í miklum baráttu leik, enginn gaf afslátt og enginn gafst upp sem skilaði þessu í 2-2 jafntefli.

Vítið sem Arnar Freyr ver frá Ármanni Pétri. Mark frá Ármanni Pétri á þeirri stundu hefði sett Þór í frábæra stöðu fyrir síðustu mínúturnar og líklega skilað þeim sigri.

Liðin skipta með sér stigum, sem hljóta að vera vonbrigði fyrir Þórsara miða við hvernig leikurinn spilaðist. HK menn stinga þessu stigi í vasann og fara líklega sáttir með það suður.
HK fer upp í 14 stig í öðru sætinu. Þór lyftir sér hins vegar upp í þriðja sætið með 11 stig.

Leifur Andri í hægri bakverðinum hjá HK réð lítið við Guðna á kantinum. Ekki batnaði það í öll þau skipti sem Bjarki fór í overlappið, hef ekki tölu á sendingunum sem rötuðu inn í teig af hægri kantinum og sköpuðu hættu. Leifi til varnar var lítið um hjálp frá öðrum í vörn HK þegar þeir komu tveir á hann.

Þetta var einstaklega erfiður leikur að dæma. Mikill harka í mönnum, mikið um brot og svolítið um pústa á milli manna.
Egill Arnar átti ekki sinn besta dag en mér fannst hann samt heldur ekki gera þetta illa, það var mikið um vafaatriði í leiknum. Línuverðirnir virtust líka vera óöruggir og það var ekki að hjálpa Agli.