SKÝRSLAN: Nikolaj Hansen sá um ÍBV
Hvað réði úrslitum?
Nikolaj Hansen skoraði tvö mörk fyrir Víking í dag sem að dugði til sigurs. Leikurinn hefði getað dottið báðum megin svosem og á tímapunkti var ÍBV líklegri aðilinn en varnarlína Víkinga hélt vel og hleypti fáum færum á sig.
Bestu leikmenn
1. Nikolaj Hansen
Skoraði tvö mörk fyrir Víking í dag sem að uppsker sigur þeirra. Hefði hæglega getað skorað fleiri en getur farið sáttur á koddann í kvöld.
2. Halldór Smári Sigurðsson
Var traustur í vörninni hjá Víking ásamt Sölva Geir sem að er næstur inn hér. Skilaði frá sér góðu dagsverki með góðum varnarleik.
Atvikið
Í stöðunni 1-1 vildi Gunnar Heiðar fá vítaspyrnu en Helgi Mikael lét leikinn halda áfram. Stuttu síðar skorar Nikolaj Hansen sigurmark Víkinga.
Hvað þýða úrslitin?
Úrslitin þýða einfaldlega það að Víkingur lyftir sér upp í 9.sæti deildarinnar með sigrinum. ÍBV er hins vegar komið í ellefta sæti með stigi minna en Víkingur.
Vondur dagur
Örvar Eggertsson átti ekki góðan leik í dag. Það virtist ekkert ganga upp hjá honum þar til að hann var tekinn útaf snemma í seinni hálfleik.
Dómarinn - 7
Gunnar Heiðar vildi fá vítaspyrnu í seinni hálfleik sem að Helgi Mikael dæmdi ekki. Sá ekki nákvæmlega hvort að það hafi verið réttur dómur eða ekki. Að öðru leyti dæmdi hann vel í dag.