Gæði Valsmanna voru einfaldlega meiri í kvöld og FH áttu í miklum vandræðum með að skapa sér færi. Valsmenn áttu miðjuna í þessum leik og áttu svo sannarlega sigurinn skilið.

Sigurmark Valsmanna var geggjað. Fyrst frábær skipting frá Sigga yfir á kantinn á Andra sem kom með fyrirgjöf sem Einar hamraði á lofti í netið!

Valsmenn hafa unnið 5 leiki í röð í deildinni og eru á toppnum með 20 stig, FH eru hins vegar í 5.sætinu með 16 stig.

Brandur Olsen.
Brandur er venjulega hættulegasti maður vallarins en hann sást ekki í dag, átti lélegan leik, engar hættulegar sendingar og hápunktur hans var aukaspyrna rétt framhjá.

Villi hafði fín tök á leiknum og lítið um augljós mistök. Hefði átt að spjalda Hjört Loga fyrir tæklingu á Andra en heilt yfir flottur leikur hjá honum.