SKÝRSLAN: Kærkominn sigur ÍR
Hvað réði úrslitum?
Einbeitingarleysi í vörn Fram undir lok fyrri hálfleiks réði úrslitum í dag. Í staðinn fyrir að fara 1-0 yfir inní hálfleikinn lenda þeir undir og áttu ekki séns í skipulagðan varnarleik gestanna í þeim síðari.
Bestu leikmenn
1. Jón Gísli Ström (ÍR)
Ström vélin að stimpla sig inn í þetta sumar, markið fær hann á silfurfati en vinnusemin og hlaupin sem hann var að taka er eitthvað sem maður er ekki vanur að sjá í hans leik.
2. Helgi Freyr Þorsteinsson (ÍR)
Markmaðurinn hefur komið frábærlega inní liðið eftir að Patrik fór og greip nokkrum sinnum vel inn í í seinni hálfleik auk þess að eiga geggjaða markvörslu sem tryggði sigurinn.
Atvikið
Síðustu 5 mínútur fyrri hálfleiks eru atvikið, vörn Fram var tómu tjóni og ÍR gengu á lagið og skoruðu 2 mörk.
Hvað þýða úrslitin?
ÍR ná í sinn annan sigur í sumar og jafnan Leikni að stigum í tíunda sætinu. Fram eru að missa af toppliðunum og verða mjög líklega í bullandi miðjumoði í allt sumar.
Vondur dagur
Unnar Steinn þarf að taka þennan á kassann. Saklaust innkast ÍR berst á Unnar sem ætlar að hreinsa en hittir ekki boltann. Jón Gísli nær honum og skorar. Rosalega dýrkeypt mistök.
Dómarinn - 9
Egill svo góður að ég tók varla eftir honum, þannig á að dæma fótbolta.