SKÝRSLAN: Mikill hiti í mönnum er Víkingur sigraði Þór á Akureyri
Hvað réði úrslitum?
Víkingar voru einfaldlega beittari sóknarlega og sköpuðu sér mun fleiri hættuleg færi. Þeir tóku yfir leikinn í síðari hálfleik og áttu sigurinn fyllilega skilið. Keyrðu svo yfir Þórsara á þessum tveggja mínútna kafla í síðari hálfleik.
Bestu leikmenn
1. Gonzalo Zamorano
Gonzalo var frábær í dag. Sífelt ógnandi og varnarmenn Þórs réðu illilega við hann. Braut leikinn upp þegar hann lagði upp fyrra markið á Kwame Quee.
2. Ingibergur Kort Sigurðsson
Skapaði mikil vandræði fyrir Aron Kristófer í dag og kórónaði flottann leik sinn með geggjuðu marki. Flottur leikur hjá honum.
Atvikið
Pape slær Ármann Pétur í andlitið. Pape var nýkominn inná sem varamaður þegar honum og Ármanni Pétri lendir saman. Pape slær Ármann greinilega í andlitið en Einar gaf honum einungis gult spjald. Hefði auðvitað verið allt annar leikur ef að Víkingar hefðu spilað með 10 menn í hálftíma.
Hvað þýða úrslitin?
Þetta er auðvitað gríðarlega mikilvægur sigur fyrir Víkinga sem eru nú komnir í þennan topp pakka. Þeir fara upp fyrir Þórsara sem detta niður í 4. sætið. Tapið er alls enginn heimsendir fyrir Lárus Orra og hans menn en liðið verður hins vegar að sýna mun meira í næstu leikjum ef þeir ætla að vera með í þessari toppbaráttu í sumar.
Vondur dagur
Aron Kristófer Lárusson og Ármann Pétur Ævarsson. Þórs liðið var heilt yfir ekki gott í dag og þessir tveir vilja sjálfsagt gleyma leiknum sem fyrst.
Dómarinn - 3
Einar var slakur í dag. Margar ákvarðanir sem hægt er að klóra sér í höfðinu yfir. Kwame slær Jónas Björgvin augljóslega í andlitið beint fyrir framan Einar sem tekur ekki á málinu. Svo spjaldar hann einungis Pape eftir viðskipti hans við Ármann Pétur. Víkingar hefðu einnig getað fengið vítaspyrnu í fyrri hálfleik þar sem að Óskar Zoega virtist brjóta á Gonzalo sem var sloppin í gegn.