SKÝRSLAN: Ekkert Pepsi-bað á Skaganum í bili!
Hvað réði úrslitum?
Þetta var baráttuleikur og varnarmenn beggja liða áttu flottan leik. Nokkur færi í fyrri hálfleik en mjög lítið um færi í þeim seinni og í raun ekki mjög líklegt í seinni hálfleiknum að það kæmi mark.
Bestu leikmenn
1. Fran Marmolejo(Víkingur Ó)
Varði tvisvar úr dauðafæri hjá ÍA og var mjög solid í öllum sínum aðgerðum í leiknum. Kom í veg fyrir að Skaginn kæmist í 2-0
2. Arnar Már Guðjónsson(ÍA)
Langbesti leikmaður ÍA í þessum leik. Var öflugur í miðjunni og baráttunni sem þar var, sérstaklega í seinni hálfleik.
Atvikið
Dauðafærið sem Marmolejo varði frá Alberti Hafsteins í stöðunni 1-0. Hefði sennilega breytt miklu ef Skagamenn hefðu komist í 2-0 í leiknum.
Hvað þýða úrslitin?
Skagamenn missa toppsætið til HK fyrir síðustu tvær umferðirnar. Eru engu að síður með fimm stiga forskot á Ólsara þegar sex stig eru í pottinum. Ekki ólíklegt að Skagamenn spili í Pepis 2019. Það þarf hins vegar allt að falla með Ólsurum til að þeir spili í Pepsi 2019.
Vondur dagur
Jeppe Hansen átti ekki góðan dag í sóknarleik ÍA. Hann átti í miklum erfiðleikum í baráttunni við öfluga varnarmenn Óslara í fyrri hálfleik. Sást varla í þeim seinni, en fékk eitt gott færi sem hann nýtti ekki.
Dómarinn - 7
Fínasti leikur hjá dómaratríóinu. Réðu vel við það þegar það færðist smá harka í þetta í seinni hálfleiknum.