SKÝRSLAN: Hrun í seinni hjá Keflavík
Hvað réði úrslitum?
Varnarlegt hrun Keflavíkur í síðari hálfleik réði hér mestu. Gestirnir fengu auðveld mörk en má þó ekkert taka af þeim að þeir spiluðu fanta vel og þá sérstaklega í síðari hálfleik.
Bestu leikmenn
1. Aron Þórður Albertsson
Mark og stoðsending hjá Aroni í kvöld. Var duglegur að finna sér svæði til að vinna með og átti oft stórhættulegar sendingar á félaga sína sem náðu þó ekki að gera sér mat úr þeim.
2. Rafael Victor
Skemmtilegur leikmaður sem vinnur mikið fyrir liðið. Stöðugt á hreyfingu og gerði vel. Skoraði gott mark og er komin á ról í markaskorun með 3 mörk í síðustu 2 leikjum.
Atvikið
Erfitt að taka eitt atvik en fyrstu 20 mínútur síðari hálfleiks fá þennan reit. Þróttur gjörsamlega jarðaði heimamenn á þeim kafla og litu aldrei um öxl eftir það.
Hvað þýða úrslitin?
Þróttur jafnar Keflavík að stigum og þéttist pakkinn við toppinn enn frekar eftir leiki kvöldsins en aðeins 3 stig eru í topplið Víkings Ó
Vondur dagur
Hefur varla verið gott fyrir Eystein Húna þjálfara Keflavíkur að horfa á lið sitt fyrstu 20 mínútur seinni hálfleiks þar sem leikur liðsins hrundi eftir að hafa farið með forystu til leikhlés,
Dómarinn - 7
Elli var solid í dag. Gaman að sjá hann aftur með flautuna. Er einn af okkar bestu dómurum. skilaði sínu vel.