SKÝRSLAN: Blikar minnka forskotið hjá KR
Hvað réði úrslitum?
Breiðablik skoraði fleiri mörk en Skaginn, ekki flókið! Voru miklu betri í fyrri hálfleik og áttu að skora fleiri mörk.
Bestu leikmenn
1. Höskuldur Gunnlaugsson(Breiðablik)
Höskuldur var mjög góður í þessum leik. Sífellt ógnandi og skoraði geggjað mark!
2. Árni Snær Ólafsson(ÍA)
Árni flottur í þessum leik. Gat ekkert gert við þessum mörkum og varði alla vega tvisvar frá Blikum í dauðafæri!
Atvikið
Vítið sem ÍA fékk. Virkaði alla vega úr stúkunni mjög soft víti. Jói Kalli er búinn að láta dómarana heyra það í viðtölum fyrir að fá ekki víti og fékk það í dag þegar það var sennilega ekki víti.
Hvað þýða úrslitin?
Blikar styrkja stöðu sína í öðru sæti og minnka forstkot KR á toppnum í 7 stig þar sem KR tapaði í dag. Skagamenn færast hins vegar nær fallsvæðinu.
Vondur dagur
Jóhann Ingi dómari átti bara alls ekki góðan dag. Dæmir mjög soft víti og margar skrýtnar ákvarðanir útá vellinum líka.
Dómarinn - 4
Bara mjög slakur dagur hjá Jóhanni. Margar bara hreinlega rangar ákvarðanir.