Það er rosalega erfitt að segja. Fyrri hálfleikur var kaflaskiptur þar sem að Valsarar mættu beittari til leiks en FH-ingar unnu sig hægt og bítandi inn í leikinn. Seinni hálfleikurinn var svo algjört fíaskó þar sem að Sigurður Hjörtur dæmdi þrjár vítaspyrnur. FH-ingar sýndu karakter eftir að hafa lent 2-1 undir og uppskáru eftir því og unnu góðan 3-2 sigur.

Það er úr nægu að taka hérna. Valur fær tvær vítaspyrnur í leiknum sem er alveg hægt að setja spurningamerki við . Andri Adolphs fellur við þegar að hann fer framhjá Þórði Þorsteini og virtist um klára dýfu að ræða þar. Seinna vítið er hægt að réttlæta frekar þegar að Daði Freyr kýlir Andra þegar hann er að reyna að hreinsa boltanum frá. Þá var sigurmark FH líka á gráu svæði þegar að Hannes lendir í árekstri við sóknarmann FH.

FH-ingar ná að tengja saman tvo sigra og eru komnir upp í þriðja sæti deildarinnar með 25 stig í þessari fáránlegu jöfnu deild. Valsarar eru hvergi nærri dottnir úr Evrópubaráttunni og eru með 23 stig í sjötta sæti.

Rosalega erfitt að setja fingurinn á það. Eiður Aron gerir klaufalega mistök þegar að Steven Lennon fiskar fyrsta víti leiksins. Kristinn Steindórsson sást lítið í leiknum og var stundum of lengi að koma boltanum frá sér. Þá var lítið að frétta sóknarlega hjá Val en bæði mörk þeirra komu eins áður segir úr vítaspyrnum.

Sigurður Hjörtur fær því miður falleinkunn í dag. Leikurinn var gríðarlega erfiður að dæma og áttu Sigurður og hans menn í tómu basli með að ráða við hann. Þrjú mörk sem að hægt er að setja spurningamerki við hvort ættu að standa.