SKÝRSLAN: Selfoss enn á uppleið
Hvað réði úrslitum?
Endalausar feilsendingar hjá Þór/KA og léleg færanýting. Selfyssingar gengu á lagið í fyrri hálfleik og skoruðu úr sínum færum, létu boltann ganga betur á milli og vörðust svo vel þegar Þór/KA gerði áhlaup í seinni hálfleik.
Bestu leikmenn
1. Grace Rapp
Átti flottan leik í dag, skapaði usla í vörn heimamanna og skoraði gott mark.
2. Magdalena Anna Reimus
Sömu sögu hægt að segja um Magdalenu, hún gerði frábærlega í markinu.
Atvikið
Sandra Mayor átti að skora í fyrri hálfleik, var ein á auðum sjó á markteig en setti boltann mjög undarlega framhjá. Framherji með hennar gæði á að skora úr svona færi, þremur mínútum seinna komst Selfoss í 2-0!
Hvað þýða úrslitin?
Selfoss er komið í þriðja sætið!
Vondur dagur
Miðjumenn Þórs/KA áttu heilt yfir slæman dag. Heiða, Andrea Mist og Lára Kristín náðu aldrei upp almennilegu spili og misstu boltann alltof oft klaufalega frá sér.
Dómarinn - 7
Fór lítið fyrir hans störfum í dag, það er gæðastimpill!