SKÝRSLAN: Flautumark HK á Greifavellinum
Hvað réði úrslitum?
HK-ingar gáfust ekki upp. KA menn fengu heldur betur tækifærin til þess að loka þessum leik, en nýttu þau ekki og 1-0 staða er hættuleg hvort sem að þú ert einum manni eða þremur mönnum fleiri.
Bestu leikmenn
1. Elfar Árni Aðalsteinsson
Gerði varnarmönnum HK lífið leitt allan leikinn. Hefði átt að skora í leiknum og var jafnframt mjög skapandi fyrir liðsfélaga sína.
2. Arnar Freyr Ólafsson
Markmaðurinn hélt HK inní þessu á lykilstundum. Varði skalla Elfars Árna meistaralega og var öruggur í öllum sinum aðgerðum.
Atvikið
Jöfnunarmark HK. Þvílík dramatík þegar Emil skallaði boltann framhjá Jajalo. Stuðningsmenn HK í stúkunni gjörsamlega sturluðust úr fögnuði.
Hvað þýða úrslitin?
HK fara uppí 5. sætið, allavega um stundarsakir, en KA menn verða að gera sér 10. sætið að góðu. Ef að KA hefðu hangið á þessu, þá væru þeir í 5. sæti en Emil Atlason hélt nú ekki. KA eiga útileik gegn nýkrýndum bikarmeisturum Víkings R. en HK fá Skagamenn í heimsókn. Tvær umferðir eftir og Grindavík þurfa að vinna upp 7 stiga forskot KA á liðið.
Vondur dagur
Björn Berg Bryde fékk rautt spjald og skildi HK eftir í holu sem að þeir klifruðu svo uppúr, blessunarlega fyrir hann. Hann var klaufalegur í þessum tveimur brotum á Elfari Árna, en átti ekki slæman leik þrátt fyrir það.
Dómarinn - 6
Ágæt frammistaða hjá Erlendi.