SKÝRSLAN: Andleysið allsráðandi á Akureyri
Hvað réði úrslitum?
Það var ekki að sjá að liðin vildu virkilega fá þrjú stig úr þessum leik í dag.
Bestu leikmenn
1. Birta Guðlaugsdóttir
Stóð sig vel í markinu, greip vel inn í fyrirgjafir og varði allt sem á markið kom. Ekki erfiðustu skotin í dag, en það þarf að verja þau líka.
2. Lára Kristín Pedersen
Var öflug djúpt á miðjunni og dreifði spilinu vel, þó hún hafi lítið haft sig frammi í sókninni. Kletturinn í liði Þórs/KA.
Atvikið
Shameeka klúðraði dauðafæri í fyrri hálfleik og það hefði breytt þessum leik mikið að fá þar mark.
Hvað þýða úrslitin?
Ekkert. Staða liðanna í deildinni breytist nánast ekkert, nema kannski að það er útséð með að Þór/KA geti stolið þriðja sætinu.
Vondur dagur
Sóknarlínur beggja liða fá þennan stimpil. Þegar Þór/KA komst í færi nýttu þær þau öll mjög illa. Stjörnukonur fengu dauðafæri í fyrri hálfleik en nýttu ekki sín færi.
Dómarinn - 7
Tíðindalítill leikur af hans hálfu.