+4 Öruggur sigur ÍA staðreynd. Heldur betur óvænt úrslit. Viðtöl og skýrsla koma inn von bráðar.

+2 Lasse Petry með fínt skot sem Árni Snær ver.

Helvítis basl að vera með minn mann í fantasy.

— Tómas Þór Þórðarson (@tomthordarson) July 3, 2020

Þetta er að fjara út Skagamenn taka Hvalfjarðargöngin í góðum gír í kvöld. Það er nokkuð ljóst. Valsmenn tínast úr stúkunni.

Birkir og Valgeir að koma inn hjá Val.

Viktor Jónsson kominn með mark og þrjár stoðsendingar í kvöld. Hrikalega góður úti hægra megin. Alvöru skrokkur, vinnusamur og áræðinn.

— Kjartan Atli (@kjartansson4) July 3, 2020

Steinar Þorsteins hlytur að vera einn sa vanmetnasti i pepsi

— Aron Þrándarson (@aronthrandar) July 3, 2020

Heyrist vel í Skagamönnum Skagamenn eru komnir í bæjarferð og það heyrist vel í þeirra stuðningsmönnum þessa stundina. ,,Það heyrist ekki rassgat" syngja þeir til kollega sinna hinum megin í stúkunni.

Næstum því fimm Skagamenn voru ekki fjarri því að bæta við fimmta markinu stuttu eftir það fjórða.

Jói Kalli reiður eftir spjall við fjórða dómarann. Veit ekki alveg yfir hverju samt...

Siggi Lár með ágætis tilraun nokkuð fyrir utan teig en Árni Snær var alltaf með þetta.

Vantar gæðin Það vantar upp á gæði á síðasta þriðjungi hjá Val. Núna átti Birkir Már slaka fyrirgjöf sem fór aftur fyrir endamörk.

Magnus Egilsson á fínan bolta fyrir með jörðinni og Patrick lætur hann fara til Kristins. Ágætis færi en Kristinn hittir boltann ekki vel.

ÍA heldur vel ÍA er að halda vel þessa stundina. Valur ekki að ógna neinu af viti þegar tæpur stundarfjórðungur er liðinn frá marki þeirra.

Aldrei hætta Kaj Leó reynir skot fyrir utan teig, en þetta var aldrei nein hætta. Langt yfir.

Engin breyting á leikkerfi Valur er árfam í 4-2-3-1 eftir skiptingingua. Hedlund fór í vörnina og þeir þrír sem komu inn á eru inn á miðsvæðinu. Siggi Lár er á hægri kanti.

Tveir Skagamenn liggja í valnum eftir hornspyrnu. Þeir vinna inn aukaspyrnu og tíma.

Mönnum heitt í hamsi, en það er bara gaman að því. Valur er að undirbúa þrefalda skiptingu.

Frábær fótboltaleikur Þetta er frábær fótboltaleikur. Eins og ég sagði: Fátt betra en fótboltaleikur á föstudagskvöldi.

Fín tilraun Skagamanna ÍA í flottri sókn. Tryggvi leggur svo boltann á Stefán sem á skot sem Hannes ver nokkuð þægilega. Fín tilraun samt sem áður.

Hátt yfir markið Birkir Már með flottan bolta inn á teig utan af kanti, en skalli Sigga Lár er hátt yfir markið.

Tryggvi Hrafn á fyrsta skot fyrri hálfleiks. Magnus með skelfilega sendingu beint á Tryggva sem fær fullt af tíma í skotið. Hannes á hins vegar í engum vandræðum með það.

Heimir gerir enga breytingu. Athyglisvert...

Sóknarlínan skilar mörkum Öll sóknarlína ÍA er búin að skora. Viktor Jóns er þá búinn að skora eitt og leggja upp hin tvö. Alvöru leikur hjá honum. Ég er búinn að sjá sjónvarpsupptöku af þriðja markinu og það er erfitt að segja til um hvort það hafi verið rangstaða eða ekki.

Ég býst við skiptingum í hálfleik hjá Heimi. Fleiri en einni.

+1 Þessi hálfleikur, maður lifandi. Hver hefði búist við þessu? ÍA fara léttir, ljúfir og kátir í hálfleik. Valsmenn gera það ekki. Dynjandi lófaklapp fyrir gulum þegar gengið er til búningsklefa.

Ein mínúta í uppbótartíma.

Valsmenn taka fund í stöðunni 0-3#PepsiMaxDeildin #Stukan #ValÍa pic.twitter.com/2Ue0BqXNbP

— Gummi Ben (@GummiBen) July 3, 2020

Sóknarmenn Vals vilja ekki skora en varnarmenn Vals vilja að ÍA skori. Vond uppskrift.

— Tómas Þór Þórðarson (@tomthordarson) July 3, 2020

Valsmenn hafa verið að ógna eftir þriðja mark ÍA, en ekkert reynt á Árna Snæ. Þessi fyrri hálfleikur hefur engan veginn farið eins og ég átti von á. Mikið hrós á gestina sem komu dýrvitlausir inn í þennan leik.

Rautt spjald? Marcus brýtur á Sigga Lár út við hliðarlínu hægra meginn. Hann er á gulu spjaldi en Egill sleppir honum. Hefði alveg getað lyft öðru gulu.

Eftir markið héldu leikmenn Vals krísufund á vellinum.

Hættulegt Kaj Leó með skemmtilega gabbhreyfingu þegar Siggi Lár kemur í overlap á vinstri kantinum. Siggi kemur boltanum fyrir og Aron Bjarna á skalla úr fínu færi. Skallinn er hins vegar beint á Árna sem grípur.

Magnus Egilsson er ekki að eiga góðan leik. Hann tapar boltanum á hættulegum stað, en sem betur fer fyrir hann nær ÍA ekki að nýta góða stöðu.

Ítreka það að Valsmenn eru í vandræðum. ÍA er líklegra til að skora þriðja markið eins og staðan er núna. Það gengur illa hjá Val að spila út úr vörninni.

Nú vilja Skagamenn fá víti eftir að þeir reyndu skot fyrir utan teigs. Ekkert dæmt á þetta.

Hálftími búinn og Valsmenn í vandræðum. Skagamenn eru gulir og glaðir.

Bjarki Steinn með skot utan teigs sem fer af varnarmanni og fram hjá. Það verður ekkert úr hornspyrnunni í kjölfarið. Það er líf í gestunum, heldur betur.

Sláin! Hornspyrna sem Tryggvi tekur. Sindri Snær á skalla á nærstönginni og Haukur Páll skallar svo í slána. Næstum því sjálfsmark! Frábær leikur hingað til. Valur ætti að vera búið að skora og ÍA ætti að vera búið að skora fleiri mörk.

Vilja víti og fá svo gott færi Valsmenn brjálaðir, vilja fá víti fyrir hendi. Stuttu síðar fær Patrick sendingu inn fyrir en Árni Snær gerir vel í að mæta og loka.

Vá hvað Árni Snær getur sparkað langt. Hann er líka að hitta vel á samherja í löngum sendingum til þessa.

Það var alltof auðvelt fyrir ÍA að sundurspila vörn Valsmanna þarna. Val gert samt hjá þeim gulklæddu. Heimamenn heppnir.

Skagamenn ógna! Frábærlega spilað hjá ÍA og það endar með því að Viktor Jóns er kominn í dauðafæri. Flott samspil hjá honum og Halli. Viktor setur boltann rétt fram hjá markinu. Skagamenn fengið hættulegri færin til þessa.

Valur nálægt því að jafna, en Birkir Már skallar boltann fram hjá eftir hornspyrnu. Hann var eiginlega bara alveg upp við markið. Árni Snær neglir boltanum svo upp eins og honum einum er lagið og Skagamenn eiga skot yfir markið.

Valur er að spila 4-2-3-1 með Sigurð Egil fyrir aftan Patrick. Bara eins og hefur verið í síðustu leikjum. ÍA er 4-3-3 með Viktor úti hægra megin og Tryggva fremstan.

Hættulegt! Sigurður Egill með boltann fyrir og Rasmus einn og óvaldaður á teignum. Hann setur boltann yfir/fram hjá markinu. Þarna átti Daninn að gera betur.

Nálægt! Skagamenn næstum því búnir að skora aftur! Langt innkast frá Stefáni Teiti sem Hannes kýlir, en boltinn fer beint á kollinn á Steinari. Skalli hans er rétt yfir markið.

Spurning hvernig Valsmenn svara þessu. Þeir höfðu sett góða pressu áður en Viktor skoraði.

Skagamenn reyna að spila frá aftasta manni, en missa boltann. Kaj Leó fær svo skotfæri sem Árni Snær þarf að verja. Stuttu síðar á Patrick skalla eftir fyrirgjöf Kaj Leó sem Árni ver með fótunum.

Haukur Páll reynir skot af löngu færi, en fer fram hjá. Árni Snær var mjög rólegur yfir þessu skoti.

Fjórða umferð Pepsi Max-deildar karla flautuð af stað. Fótboltaleikur á föstudagskvöldi, það er fátt betra!

Geir Þorsteinsson mættur í stúkuna að fylgjast með sínum mönnum í ÍA. Fólk er að tínast inn á völlinn hér á Hlíðarenda. Það er hólfaskipt og miðað er við 500 í hverju hólfi.

Gaman og glens á Origo-vellinum. Skagamenn að hita upp og svo fer úðarinn allt í einu í gang í upphitunarhring þeirra. Einhver blautur eftir þetta.

I'll go for a 2-1 win for ÍA Gummi 😉

— Skagamenn UK 🇮🇸🏴󠁧󠁢󠁥󠁮󠁧󠁿⚽️ (@SkagamennUK) July 3, 2020

Valur - ÍA í beinni textalýsingu á @fotboltinet - flautað til leiks 20:00! #fotboltinethttps://t.co/Tawx1YEUER pic.twitter.com/HMZKmums6F

— Gudmundur Asgeirsson (@gummi_aa) July 3, 2020

Bæði lið gera eina breytingu á sínum byrjunarliðum. Magnus Egilsson kemur inn fyrir Valgeir Lunddal og hjá ÍA kemur Hallur Flosason inn fyrir Jón Gísla Eyland Gíslason. Bæði Valgeir og Jón Gísli fara á bekkinn. Báðir bakverðirnir sem ég talaði um áðan detta út úr liðunum. Jinx.

Byrjunarliðin eru klár.

Matchday #pepsimaxdeildin
Valur - ÍA at the Origi völlurinn

Kick off 8pm🇮🇸 9pm🇬🇧#skagamenn

— Skagamenn UK 🇮🇸🏴󠁧󠁢󠁥󠁮󠁧󠁿⚽️ (@SkagamennUK) July 3, 2020

Það er nú ekki úr vegi að rifja upp þessa rosalegu neglu hjá @stefanteitur16 fyrir leik @valursport og @ia_akranes sem verður í beinni hjá okkur klukkan 19.45 í kvöld. pic.twitter.com/UBXxwVhPvx

— Stöð 2 Sport (@St2Sport) July 3, 2020

Gaman að fylgjast með: Valgeir Lunddal fékk tækifæri í byrjunarliði Vals gegn HK í síðustu umferð og þótti standa sig það vel að hann komst í lið umferðarinnar hér á Fótbolta.net. Spennandi bakvörður. Jón Gísli Eyland Gíslason er öflugur bakvörður sem getur einnig leyst aðrar stöður á vellinum. Strákur fæddur 2002 sem hefur byrjað alla deildarleiki ÍA til þessa. Spennandi bakverðir!

Lykilmenn: Patrick Pedersen er nían í liði Vals. Margir eru á því máli að þessi stórkostlegi danski sóknarmaður sé besti leikmaður deildarinnar. Hann skoraði þrennu í síðasta leik gegn HK og gestirnir þurfa að passa vel upp á hann. Stefán Teitur Þórðarson hefur byrjað þetta sumar af miklum krafti og það styttist væntanlega í atvinnumennskuna hjá honum. Mikilvægur á miðsvæði ÍA.

Heimamönnum spáð sigri Svava Kristín Grétarsdóttir, íþróttafréttakona, spáir í leiki umferðarinnar fyrir Fótbolta.net. Hún spáir 3-1 sigri Valsmanna gegn ÍA. Valsmenn sigra en þetta verður ekki auðveldur leikur. Skagamenn eru alltaf erfiðir og sækja grimmt en það er ekkert óvænt að fara að gerast á Hlíðarenda. Gæðamunurinn á liðunum skilar á endanum sigri Vals

Leikir liðanna á síðustu leiktíð Á síðasta tímabili var það þannig að ÍA vann Val á Hlíðarenda í eftirminnilegum leik, 2-1. Það var í byrjun móts þegar ÍA var á miklu skriði og Valur í mikilli lægð. Valur svaraði svo á Akranesi með 2-1 útisigri. Valur hafnaði í sjötta sæti á síðasta tímabili og ÍA í tíunda sæti. Bæði lið stefna á betri árangur í sumar. Það er alveg ljóst.

Þetta er eini leikur kvöldsins í Pepsi Max-deildinni. Þrír leikir eru svo á morgun og einn á sunnudaginn. Leik FH og Stjörnunnar var frestað þar sem leikmenn Stjörnunnar eru í sóttkví eftir að leikmaður Stjörnunnar greindist með Covid-smit. föstudagur 3. júlí 20:00 Valur-ÍA (Origo völlurinn) laugardagur 4. júlí 14:00 Grótta-HK (Vivaldivöllurinn) 14:00 Fjölnir-Fylkir (Extra völlurinn) 17:00 KR-Víkingur R. (Meistaravellir) sunnudagur 5. júlí 16:00 KA-Breiðablik (Greifavöllurinn)

Fyrir leikinn í kvöld eru Valsmenn með sex stig og Skagamenn með þrjú. Valur tapaði fyrsta leik sínum gegn Íslandsmeisturum KR en hefur svo unnið leiki gegn Gróttu og HK með markatöluna 7-0. ÍA vann fyrsta leik sinn gegn KA 3-1, en hefur svo tapað leikjum gegn FH og KR.

Leikurinn hefst klukkan 20:00.

Gott og gleðilegt kvöldið! Hér verður textalýsing frá leik Vals og ÍA á Origo-vellinum. Endilega fylgist með!