Það eru Leiknismenn sem fara með stiginn þrjú héðan af Nettó-vellinum og það verðskuldað!

Sævar klókur og sækir aukaspyrnu á Nacho. Tekur sekúndur af klukkunni.

Tíminn að renna út fyrir heimamenn sem reyna hvað þeir geta.

Önnur geggjuð varsla hjá Guy, Slær skalla í horn sem var á leið í netið.

Ari Steinn með fínt skot úr erfiðri stöðu en boltinn beint á Guy

Sólon ekki lengi að koma sér í fína stöðu og á skot en Sindri ver. Nacho hreinsar svo.

Joey Gibbs fer niður í teignum og sannfærður um að hann eigi að fá víti. Einar er ekki sammála áfram með leikinn.

Þvííkar vörslur!!!!! Þreföld hvorki meira né minna. Eftir mikin darraðadans í teignum ná Keflvíkingar þremur skotum að marki Leiknis af stuttu færi..... Guy Smit eins og köttur á línunni og ver stórkostlega í þrígang.

Keflavík fær hornspyrnu.

Það verður eitthvað um uppbótartíma hér í lokinn. Leiknismenn hafa fengið að finna fyrir því og þurft nokkrum sinnum á aðhlynningu að halda. Spjalda þessar dúkkur heyrist úr stúkunni. Menn hafa skoðanir hér í Keflavík og alls ekki sáttir við gang mála.

Sá ekki hvað gerðist þarna en Leiknismaður liggur á vellinum eftir skyndisókn.

Rúnar Þór með ágætis skottilraun en boltinn fer yfir.

Fyrir áhugasama er leikur Vals og ÍA í Pepsi Max deildinni í gangi nuna en hann hófst klukkan 20. Um 40 mínútur eru liðnar og staðan er 0-3 fyrir gestinna af Skipaskaga.

Sá ætlaði að klína honum. Daníel Finns með skot af vítateigslínunni en hátt yfir markið.

Gestirnir úr nafla alheimsins Breiðholtinu hafa stjórnað leiknum frá a til ö hér í síðari hálfleik og forysta þeira fyllilega verðuskulduð.

Keflavík fær horn.

Vuk leikur sér að Rúnari í vörn Keflavíkur og á fyrirgjöf sem Keflavík skallar frá.

Eysteinn AD 1 er í tómu bulli hér í dag. Fyrst galin rangstaða á Leikni og mark tekið af þeim. Nú augljós hornspyrna fyrir Keflavík en niðurstaðan markspyrna.

Daníel Finns með skot úr aukaspyrnunni en beint á Sindra.

Adam Árni með frábæra móttöku , kassar boltann niður og nær skoti en framhjá fer boltinn.

Síðari hálfleikur hafinn Heimamenn byrja með knöttinn.

Held að twitter frá Kristjáni Óla tali sínu máli. Leiknir hreinlega rændir marki.

Það er kominn hálfleikur hér í Keflavík. Keflavík leiðir í leikhléi eftir mark úr föstu leikatriði. Leiknismenn þó síst lakari aðilinn í leiknum. Verður spennandi að fylgjast með síðari hálfleiknum.

Gibbs liggur á vellinum eftir samstuð. Var dæmdur brotlegur en hefur farið verr út úr því sjálfur.

Illa farið með frábæra stöðu! Dagur Ingi kemst inn á teiginn hægra meginn og á skot/fyrirgjöf sem siglir framhjá. Gibbs var gapandi frír í teignum.

Snörp sókn Kelfavíkur endar með fyrirgjöf í hendur Smits. Adam ægir hafði þó farið niður í teignum áður og beðið um eitthvað en Einar lét sér fátt um finnast.

Máni Austmann með skot rétt framhjá eftir snarpa sókn.

Sindri Kristinn með flotta vörslu og ver boltann í horn.

Máni Austmann veldur usla í vörn Keflavíkur sem hreinsa fyrirgjöf hans á síðustu stundu.

Joey Gibbs í færi eftir góðan undirbúning Rúnars en skot hans laust og Smit hirðir boltann.

Í þeim rituðu orðum Leiknismenn skalla ágæta fyrirgjöf Sindra Þórs í horn. Fá annað horn í kjölfarið.

Boltinn hreinsaður í bakið á Sævari Atla og þaðan í fang Sindra. Lítið um opin færi.

Leiknismenn skora!!! Eftir snarpa sókn sýnist mér það vera Sævar Atli sem kemur boltanum í netið en flaggið fer á loft svp það stendur ekki. Sindri hefur fengið högg við að freista þess að verja og fær aðhlynningu en stendur fljótt upp og heldur leik áfram.

Vuk keyrir inn á teiginn og rennir boltanum fyrir en Nacho kemst fyrir og Sindri hirðið boltann.

Heimamenn að hressast og ná smá pressu á gestina en ekki náð að skapa sér færi.

Sævar Atli kemst í gegn um vörn Keflavíkur eftir snarpa sókn en setur boltann yfir.

Keflavík fær horn. Boltanum komið frá en Leiknismaður liggur í teignum. Stendur þó upp og heldur leik áfram.

Sindri Þór á harða spretti upp hægri vænginn en brotið á honum. Aukaspyrna á góðum stað fyrir fyrirgjöf.

Slök hreinsun dettur beint fyrir fætur Vuk í teig Keflavíkur en hann nær ekki að leggja boltann fyrir sig og færið rennur út í sandinn.

Leiknir fær horn.

Keflvíkingar í skyndisókn. Adam Ægir með boltann vinstra meginn og leggur hann á Joey Gibbs en skot hans arfaslakt á beint á Smit í markinu.

Þetta fer rólega af stað. Leiknismenn haldið boltanum hér í upphafi og þreifað sig áfram.

Þetta er farið af stað hér í Keflavík Það eru gestirnir sem hefja leik.

Ólafur Guðmundsson miðjurmaður úr Breiðablik sem gekk til liðs við Keflavík á lánssamning nú á dögnum er á bekk Keflavíkur í dag. Vuk Oskar Dimitrijevic er að sjálfsögðu í liði Leiknis og fagna ég því að fá tækifæri til að sjá hann spila. Eðalleikmaður þar á ferð sem ég er viss um að við eigum eftir að sjá mikið af á næstu árum. En hann er á leið til FH að tímabilinu loknu.

Sólin skín hér á Nettóvöllinn og leikmenn að hita upp. Allt til alls til þess að við fáum flottan leik hér í dag.

Sigurður Heiðar Höskuldsson þjálfari Leiknis á góðar minningar héðan úr Keflavík en hans fyrsti leikur eftir að hafa tekið við sem aðalþjálfari Leiknis var á Nettó-vellinum gegn Keflavík þar sem Leiknir vann 1-3 sigur.

Heimamenn úr Keflavík hafa komið fljúgandi úr blokkunum þetta sumarið og hafið mótið af gríðarlegum krafti. Tveir sigrar í tveimur leikjum og markatalan 9-1 myndi teljast ágætt á flestum bæjum. Keflavík hóf mótið á 5-1 sigri á Aftureldingu á Nettó-vellinum. Í annari umferð héldur Keflvíkingar vestur á Snæfellsnes og mættu þar Víkingum frá Ólafsvík. Lokatölur þar urðu 0-4 Keflavík í vil en kunnir menn segja þó að úrslit leiksins hafi ekki endurspeglað hvernig leikurinn þróaðist en Keflavík skoraði 3 af 4 mörkum sínum eftir 80.mínútu. Mögulega hefur þreyta hjá Ólsurum haft eitthvað með það að gera en þeir fóru í gegnum 120 mínútur + vítaspyrnukeppni gegn nöfnum sínum úr Reykjavík 4 dögum fyrr.

Gestirnir úr Breiðholti hafa farið ágætlega af stað í Lengjudeildinni og sitja í 5.sæti með 4 stig eftir tvær umferðir. Leiknir gerði góða ferð á Eimskipsvöllinn í fyrstu umferð og lagði Þrótt að velli 1-3. í annari umferð komu Vestramenn á heimsókn á Domus-Nova völlinn. Leikurinn sá endaði með markalausu jafntefli eftir rigningarleik þar sem gul spjöld voru í aðalhlutverki.

Gott kvöld lesendur góðir og verið hjartanlega velkomin í beina textalýsingu Fótbolta.net frá leik Keflavíkur og Leiknis sem fram fer á Nettó-vellinum í Keflavík