Verðskuldaður sigur gestanna. Þeir voru tilbúnari í verkefnið og fyrirliði liðsins, Arkadiusz Jan Grzelak skoraði tvívegis til að tryggja það að þeir rauðklæddu færu með stigin þrjú heim til Fáskrúðsfjarðar!

Það er allt útlit fyrir að Leiknismenn séu að koma sér á blað og það verðskuldað. Magnamenn hafa verið flatir í kvöld.

Kairo gerir frábærlega í að spóla sig upp kantinn, þrátt fyrir að Arkadiusz væri hangandi í honum hálfa leið. Hann á svo góða stungusendingu á Kristinn Þór, sem er hálfu skrefi á eftir El-Hage í boltann.

Magnamenn fá hornspyrnu. Ef eitthvað á að gerast, þarf það að erast núna. Það gerðist ekki, framkvæmd hornspyrnunnar var afleit.

Kifah Moussa Mourad gerir vel í að koma boltanum fyrir á Sæþór. Skalli Sæþórs er framhjá.

Kairo og Frosti eiga ágætis samspil sem endar með lausu skoti frá Kairo, beint á El-Hage.

Uppspil Magna gengur afar brösuglega þar sem að þeir eru staðráðnir í að gera það sem fáum hefur tekist - að skora tvö mörk í einni sókn.

Frosti á fyrirgjöf á hægri kantinum sem endar í utanverðri stönginni!

Marteinn Már sleppur inn fyrir, en setur boltann framhjá! Þetta hefði verið síðasti naglinn í kistu Magnamanna.

Frosti hefur komið nokkuð ferskur inní þennan leik og gerir vel í að taka tvo Leiknismenn á og þrumar í hliðarnetið.

Korter eftir og ekki margt sem bendir til þess að Magnaliðið nái að koma til baka. Ótrulegri hlutir hafa þó skeð.

Það er ákveðið rannsóknarefni að Stefán Ómar sé ekki kominn með gult spjald. Hann nálgast tuginn í fjölda brota.

Vel varið hjá Danny El-Hage! Frosti og Helgi spila vel saman áður en Frosti leggur hann útí teiginn á Kristinn Þór. Hann á þéttingsfast skot sem er of nálægt El-Hage og hann fer í horn! Tómas Örn á svo skalla yfir markið eftir hornið.

Tæpur hálftími eftir af venjulegum leiktíma og Magnamenn eiga ærið verkefni fyrir höndum. Leiknisliðið er að spila vel og vilja þriðja markið sem myndi gera út um þennan leik.

Kristófer á snyrtilega utanfótar sendingu inn fyrir á Daniel Garcia Blanco sem vinnur hornspyrnu.

Sveinn Þór hyggst blása til sóknar og gerir tvöfalda skiptingu.

Kristófer er kominn á fætur og virðist klár í að halda áfram.

Povilas á flottan bolta fyrir á Mykolas en Gauti er á undan í boltann! Kristófer Páll liggur eftir á vellinum og þarfnast aðhlynningar.

Kristófer Páll kemst á fljúgandi siglingu inní teig Magna en Gauti stígur hann út. Kristófer leitast eftir vítinu, en Elías hefur engan áhuga á því.

Helgi Snær gerir vel í að leika inn völlinn og kemst í skotfæri rétt fyrir utan vítateig Leiknis. Skotið er hinsvegar ekki gott og beint á El-Hage í markinu.

Leiknismenn fá aukaspyrnu eftir 10 sekúndur. Aðeins of langt frá fyrir skot, en þeir fjölmenna inní teig og Mykolas skallar töluvert langt framhjá, eftir aukaspyrnu Kristófers.

Þá förum við af stað á ný!

Leiknismenn eru verðskuldað yfir í hálfleik. Ég er ekki handviss um að Gauti hafi brotið á Kristóferi, en aðdragandinn að vítaspyrnudóminum var svo klaufalegur hjá Magnaliðinu. Magnamenn þurfa að leggja höfuðið í bleyti í hálfleik og hafa sólina í bakið í seinni hálfleik. Það gæti haft sitt að segja, hún er blindandi hreinlega. Baldur Sigurðsson væri ekki ánægður með hana.

Gauti Gautason sendir Elíasi Inga pillu og fær smá tiltal fyrir. Elías hefur verið með flautukonsert og lítið flæði fengist í leikinn.

Kristófer Páll í dauðafæri! Hann gerir mjög vel í að skilja Tómas eftir á rassinum, en Steinþór Már ver frábærlega frá honum, einn á einn!

Nú biður Baldvin Ólafsson um aðstoð. Baldvin hefur verið líflegur á miðjunni og það væri slæmt fyrir heimamenn að missa reynsluboltann útaf.

Unnar reynir að ná Cristiano Ronaldo flökti á boltann, en hann fer beint í fangið á Steinþóri.

Viktor Már fær boltann úti hægra megin og setur boltann inní teig, þar rís Hjörvar hæst og skallar boltann framhjá markinu. Leikmenn Magna hafa aðeins sótt í sig veðrið síðustu mínútur.

Louis á ágætt skot rétt fyrir utan teig á nærstöngina en Danny El-Hage á í litlum vandræðum með það.

Magnamenn fara illa með góða stöðu! Costelus leggur hann á Kristinn Þór sem var í einn á einn stöðu og leggur hann til hliðar á Louis, sem er alltof lengi að athafna sig og Leiknismenn koma honum í horn.

Arkadiusz er kominn inná á nýjan leik.

Garcia Blanco í dauðafæri! Kristófer á geggjaða fyrirgjöf á fjærstöngina og Blanco skallar að marki en Steinþór ver í horn! Í horninu fær Mykolas frían skalla en hann er laflaus og beint í fangið á Steinþóri.

Arkadiusz liggur eftir. Það væru vondar fréttir fyrir Leiknismenn ef að þeir misstu fyrirliðann útaf, draghaltur í augnablikinu.

Glæsilega varið hjá Danny El-Hage! Costelus á flotta hælsendingu á Baldvin sem að nær fínu skoti í fjærhornið en El-Hage sér við honum.

Mykolas skallar í hliðarnetið! Stefán Ómar á virkilega góða fyrirgjöf frá hægri kantinum, beint á pönnuna á Mykolas en hann skallar rétt framhjá markinu.

Daniel Garcia Blanco er heppinn að sleppa með gult spjald þegar hann tekur Gauta Gautason niður. Hann var alltof seinn.

LEIKNIR F. FÁ VÍTI!! Kristófer er tekinn niður af Gauta Gautasyni, að mati Elíasar. Þetta hófst allt á afar klaufalegu uppspili úr vörn Magna!

Baldvin Ólafsson á skot langt utan af velli í varnarmann sem að Danny El-Hage lendir í örlitlum vandræðum með, en forðast að lokum eitthvað vandræðalegt.

Leiknismenn eru sprækari hér á upphafsmínútunum og hafa nú þegar komið boltanum í netið. Povilas, Kristófer og Mykolas hafa komist mikið í boltann og náð upp ágætu spili.

Stefán Ómar leggur hann út á Povilas, sem fær boltann í ágætis skotfæri en hittir hann illa og setur hann yfir.

MARK DÆMT AF LEIKNI!!! Kristófer á frábæra fyrirgjöf á Daniel Garcia, hann skallar að marki og Steinþór ver hann fyrir fætur Stefáns Ómars. Hann setur boltann í netið en markið er dæmt af vegna rangstæðu!

Magnamenn reyna ítrekað að finna Costelus Lautaru upp kantana.

Sólin er ofboðslega sterk og gæti leikið leikmenn grátt í dag!

Almar Daði á slaka sendingu til baka og Costelus Lautaro kemst í milli, hann er þó stiginn út og ekkert verður úr þessu.

Kristinn Þór Rósbergsson kemur leiknum af stað!

Tvær mínútur í leik og slagarinn "Magnaður Magnadans" ómar um völlinn.

Viktor Már Heiðarsson og Gauti Gautason koma inn í lið Magna í stað Frosta Brynjólfssonar og Kairo Edwards-John. Hjá Leikni F. kemur Kristófer Páll beint inn í byrjunarliðið, ásamt Stefáni Ómari Magnússyni en Björgvin Stefán Pétursson og Salko Jazvin fá sér sæti á bekknum.

Liðin mættust snemma á undirbúningstímabilinu í Kjarnafæðismótinu og þar hafði Leiknir F. 5-3 sigur í miklum markaleik. Fólk á pöllunum hefði gaman af því að sjá aðra eins veislu í kvöld.

Leiknir F. fengu góðan liðsstyrk á dögunum en Kristófer Páll Viðarsson kom á láni frá Keflavík. Kristófer er uppalinn í Leikni og hefur skorað 32 mörk fyrir félagið. Kristófer skoraði meðal annars fernu í ótrúlegu 2-7 sigri á HK, í lokaumferð 1. deildar árið 2016. Leiknismenn héldu sér þá uppi á markatölu og sendu Huginsmenn niður. Þjálfari Hugins þá er núverandi þjálfari Leiknis, Brynjar Skúlason.

Magnamenn hafa ekki upplifað þá sælu sem fylgir því að fagna sigri síðan 4. janúar, þegar liðið vann 3-2 sigur á KA 2 í Kjarnafæðismótinu. Kjarnafæðismótið og Lengjubikarinn gekk afar illa hjá þeim röndóttu og þeir féllu út gegn HK í Mjólkurbikarnum í fyrstu umferðinni sem þeir voru gjaldgengir í. Auðvitað hafa æfingaleikir ekki alltaf mikið að segja, en Sveinn Þór Steingrímsson, þjálfari Magna, mun vilja kynnast sigurtilfinningunni fyrr en síðar.

Leikurinn er gífurlega mikilvægur fyrir bæði lið, en það er nokkuð ljóst að þau munu þurfa að hafa fyrir því að halda sér í næstefstu deild. Liðin eru stigalaus eftir fyrstu tvo leikina og sjá því gott færi á að koma sér á blað í kvöld. Magnamenn eru í 9. sæti, sæti ofar en andstæðingar sínir. Fyrir neðan þá eru svo Afturelding og Þróttur R. Magnamenn töpuðu 2-0 í Eyjum fyrir sterku liði ÍBV og þurftu svo að sætta sig við svekkjandi 1-2 tap á heimavelli gegn Fram. Kairo Asa Jacob Edwards-John skoraði mark Magna í leiknum og um leið sitt fyrsta mark fyrir félagið. Leiknir hafa einnig orðið Fram að bráð, en þeir fengu 3-0 skell í Safamýrinni í fyrstu umferð. Þórsarar komu svo í heimsókn í Fjarðabyggðarhöllina og unnu Leiknismenn 2-3 í spennandi leik. Það er því til mikils að vinna hér í kvöld og vonandi fáum við skemmtilegan lek!

Góða kvöldið! Hér fer fram textalýsing á leik Magna og Leiknis frá Fáskrúðsfirði í Lengjudeild karla.