Þessu er lokið hér á Selfossi. Selfyssingar að vonum sáttir við stigin þrjú, en tap gerir heimferð gestanna jafnvel enn lengri. SelfossTV maður leiksins var valinn Gylfi Dagur Leifsson.

Þessu fer að ljúka og enn er leikurinn galopinn, bæði lið búin að gefa færi á sér.

Þór Llorens hefur komið sprækur inn, átti skot himinhátt yfir markið. Þór að snúa aftur í Selfossliðið eftir meiðsli á undirbúningstímabilinu.

En eitt langa innkastið hjá Selfyssingum og þrusu færi. Heimamenn liklegri til að bæta við þessa stundina.

Bæði lið að hrista upp í hlutunum og Völsungar orðnir full aðgangsharðir úti á velli að mati dómarans. Menn þurfa að skrúfa hausinn rétt á ef bæði lið eiga að klára leikinn fullmönnuð.

Það virðist vera komið vinabæjarsamband á milli Selfoss og Húsavíkur, en þó nokkrir leikmenn Völsunga eru í stuttbuxum merktum Selfoss. Falleg samvinna þar.

Þarna var Kaelon heppinn. Hann virðist hafa slegið Guðmund Tyrfings í andlitið, Steinar Berg sá þetta ekki og ekkert dæmt.

Tokic hársbreidd frá því að fá boltann í fæturna fyrir opnu marki, Völsungur kemst inn í sendinguna á elleftu stundu.

Inle Valdes markvörður Völsunga liggur sárþjáður eftir að hafa gripið hornspyrnu. Vonandi að hann sé ekki meiddur, en hann virtist ekki hafa fengið snertingu frá neinum.

Fjörið er komið í gang, Völlarar berjast nú bæði gegn forustu heimamanna sem og vindinum.

Heimamenn fara sáttari til búningsklefa. Við hendum okkur í smá kaffi og sætabrauð.

Völsungur með sprett á þessum síðustu mínútum hálfleiksins. leika boltanum um vítateig heimamanna og er boltanum komið í horn sem ekkert verður úr.

Kenan vill fá víti er hann fellur í teignum, Steinar Berg ágætur dómari leiksins segir varnarmanninn hafa tekið boltann fyrst. Kenan er búinn að jafna sig og taka gleði sína á ný.

En og aftur fær Guðmundur Tyrfingss aukaspyrnu við vítateigshornið. Ingvi Rafn kemur boltanum inn á teig en gestirnir bægja hættunni frá.

Arnar Logi á sendingu þvert í gegnum vítateig gestanna sem virtist galin, en hún var hárnákvæm á Guðmund Tyrfingss sem kemur hlaulpandi á móti og tekur skot viðstöðulaust í hliðarnetið.

Það er heldur búið að bæta í léttu goluna og er hún í liði með Völsungi í fyrri hálfleik. Af fótbolta er það að frétta að liðin skiptast á að vera með boltann án þess að gera mikið á síðasta þriðjungi vallarins.

AUKASPYRNA Aftur er brotið á Guðmundi og nú á vítateigslínunni. Tokic tekur spyrnuna og lyftir boltanum rétt yfir markið. Aukaspyrnan of nálægt marki eins og stundum er sagt.

Enn eru Völsungar að koma sér í hættulegar stöður, en eru ekki að ná að gera sér mat ur því enn þá.

AUKASPYRNA Hef varla sleppt orðinu og þá á Ólafur Jóhann aukapsyrnu fyrir Völsung sem fer hárfínt framhjá. Hefði getað orðið svakalegt mark.

Leikurinn hefur heldur róast eftir þetta mark. Gestirnir byrjuðu leikinn af krafti en heimamenn virðast orðnir öruggari með sig.

Heimamenn komnir meira í boltann og ná upp góðu spili. Fá innkast "á hættulegum stað" og er brotið á Guðmundi Tyrfings við vítateigshornið.

HÖRKUFÆRI Völsungur með góða horspyrnu og með skalla í átt að marki, Selfyssingar bjarga á elleftu stundu. Húsvíkingar halda sókninni áfram en ná ekki að ógna markinu.

Selfyssingar hefja leik nú þegar Steinar Berg flautar leikinn á í glampandi sól, léttri sunnan golu og skulum segja 13 gráðu hita.

Heimamenn sigla lignan sjó um miðja deild og gestirnir fra Húsavík sitja stigalausir á botni deildarinnar. Óhætt að segja að bæði lið hefðu óskað sér betri stöðu eftir fyrstu tvær umferðir deildarinnar.

Gott kvöld lesendur góðir og velkomin á JÁVerk-völllinn á Selfossi.