Kvöldið! Hér verður bein textalýsing frá leik KR og Fylkis í 10. umferð Pepsi-deildar karla.

KR er fyrir leikinn með 19 stig í öðru sæti deildarinnar og geta með sigri komist á toppinn þar sem FH spilar ekki í kvöld. Fylkir er hins vegar með 13 stig í sjöunda sætinu.

Nokkrar breytingar eru á báðum liðum frá því í síðasta leik enda stutt á milli leikja þessa dagana. Bjarni Guðjónsson fyrirliði KR kemur aftur inn í liðið eftir meiðsli en Kjartan Henry Finnbogason er hins vegar ekki með vegna meiðsla. Dofri Snorrason og Atli Sigurjónsson koma einnig inn í liðið en Baldur Sigurðsson og Viktor Bjarki Arnarsson detta út.

Hjá Fylki koma Kristján Valdimarsson, Ingimundur Níels Óskarsson, Tómas Joð Þorsteinsson og Jóhann Þórhallsson inn í liðið fyrir Finn Ólafsson, Björgólf Takefusa, Magnús Þóri Matthíasson og Árna Frey Guðnason.

N1 mótið er í gangi á Akureyri og vöntun er á boltasækjurum. Hlynur Valsson bendir áhugasömum krökkum á að fara inn í félagsheimili KR til að sækja um stöðuna.

Björn Jónsson er ennþá að jafna sig af meiðslum en hann er þrátt fyrir það mættur í KR-treyjunni út á völl þar sem hann leikur sínar með boltann.

Innan við 1000 áhorfendur hafa mætt á síðustu tvo heimaleiki KR. Mætingin ætti hins vegar að verða betri í kvöld enda leiktíminn hentugri en í síðustu leikjum.

Kristinn Kjærnested, formaður knattspyrnudeildar KR, kemur færandi hendi fyrir leik og afhentir sextugsafmælisgjöf. Kalli, sem sér um vallarklukkuna á KR-velli, á afmæli.

Mínútu þögn er fyrir leik til minningar um Þorsteinn Kristjánsson, Steina Klaka, sem lést á dögunum eftir langvarandi veikindi. Þorsteinn lék með KR á sínum tíma og var meðal annars í liði sem varð Íslandsmeistari með fullt hús stiga.

Leikurinn er hafinn!

Tíðindalítið fyrstu tíu mínúturnar hér í Vesturbæ.

Fyrsta færi leiksins og það er Fylkismanna. Jóhann Þórhallsson fær fínt skallafæri eftir fyrirgjöf frá Ingimundi Níels en Hannes Þór Halldórsson ver.

Grétar Sigfinnur Sigurðarson skoraði eftir hornspyrnu í síðasta leik KR og hann fær hér fínt færi til að endurtaka leikinn. Hornspyrnan kom á fjær þar sem Magnús Már Lúðvíksson skallaði fyrir á Grétar en skalli hans fór yfir markið.

Davíð Þór Ásbjörnsson brýtur á Bjarna Guðjónssyni sem liggur eftir. KR-ingar vilja spjald en Valgeir Valgeirsson er alveg til í að leyfa smá hörku og hann geymir spjöldin. Rhys Weston miðvörður KR liggur einnig meiddur á vellinum og meiðsli hans virðast vera verri en hjá Bjarna.

Bjarni Guðjónsson á flotta sendingu inn á Emil Atlason sem kemst í fínt færi en Bjarni Þórður Halldórsson sér við honum og ver í horn.

Þorsteinn Már Ragnarsson er dæmdur rangstæður og Páll Sævar Guðjónsson í KR-útvarpinu er allt annað en ánægður með þann dóm. Páll er einnig óánægður með hvernig línurnar eru í vellinum en hann myndi hátta slættinum öðruvísi. Páll lýsir leiknum í KR-útvarpinu í dag í fjarveru Bjarna Fel.

Elebert hefur verið eins og klettur í vörn Fylkis í undanförnum leikjum. Þrátt fyrir að margir haldi að hann sé eldri þá er þessi öflugi leikmaður 26 ára gamall.

Fylkismenn nálægt því að skora aftur. Davíð Þór Ásbjörnsson á hörkuskot fyrir utan teig sem Hannes Þór slær í horn. Davíð er með magnaðan skotfót og hann hefur verið að valda usla með honum í sumar.

Hálfleikur. Fylkismenn enduðu fyrri hálfleikinn af miklum krafti og náðu verðskuldað forystunni. KR-liðið virkar þreytt og meira bit vantar í sóknarleik þeirra. Spurning er hvort Íslands og bikarmeistararnir nái að mæta grimmari til leiks í síðari hálfleiknum.

Óskar Örn Hauksson fær fyrsta færið í síðari hálfleiknum en hann þrumar boltanum framhjá markinu úr nokkuð þröngu færi.

KR-ingar fá víti. Kristján Valdimarsson fer klaufalega aftan í Þorstein Má Ragnarsson. Kristján liggur meiddur eftir og kallað er á sjúkrabörur. Enginn Kjartan Henry í liði KR í dag og því spurning hver fer á punktinn.

Fylkismenn nálægt því að endurheimta forystuna. Eftir fína skyndisókn kemst Oddur Ingi Guðmundsson framhjá Gunnari Þór Gunnarssyni og á skot sem Grétar Sigfinnur Sigurðarson bjargar á línu. Einhverjir Fylkismenn vilja hendi á Grétar en Valgeir dæmir ekkert.

Jóhann Þórhallsson á skot úr vítateigsboganum sem Hannes nær að verja.

Óskar Örn á skalla úr dauðafæri en Bjarni Þórður slær boltann í horn.

1489 áhorfendur á vellinum í dag.

KR-ingar nálægt því að bæta við þriðja markinu en bæði Baldur Sigurðsson og Emil Atlason missa af boltanum eftir fyrirgjöf frá hægri.

Björgólfur Takefusa á flottan sprett og síðan skot sem fer í varnarmann og aftur fyrir endamörk.

Fylkismenn sækja stíft í leit að jöfnunarmarki.

Sex mínútum er bætt við venjulegan leiktíma. Meiðsli Kristjáns spila þar mikið inn í.

Fylkismenn eru æfir út í Valgeir dómara! Bæði Björgólfur Takefusa og Magnús Þórir Matthíasson falla nálægt vítateigslínunni. Valgeir dómari dæmir ekki brot á KR heldur endar á því að flauta hendi á Matthías. Fylkismenn hefðu átt að fá meira fyrir sinn snúð þarna.

Leik lokið með 2-1 sigri KR-inga. Seiglusigur hjá Vesturbæingum sem hafa oft leikið betur en í dag. Nánar verður fjallað um leikinn hér á Fótbolta.net síðar í kvöld.