Sæl og velkomin í beina textalýsingu frá leik Selfoss og Stjörnunnar sem hefst á slaginu 19:15. Aðstæður eru eins og best verður á kosið og útlit fyrir fjörugan leik. Byrjunarliðin má sjá hér til hliðar.

Logi Ólafsson gerir nokkrar breytingar í byrjunarliði Selfoss sem mætti Keflavík um daginn. Endre Brenne kemur inn eftir bann og fer í hægri bakvörðinn. Agnar Bragi er í byrjunarliði í fyrsta skitpti í sumar og fer í miðvörðinn og Ólafur Karl Finsen og Cisse koma inn Tómas Leifsson og Joe Tillen.
Líkast til er þetta svona:
Ismet
Brenne - Agnar Bragi - Stefán Ragnar - Sandnes
Jón Daði - Babacar - Royrane - Ólafur Karl
Cisse - Viðar

Lið Stjörnunnar er óbreytt eftir 4-2 sigurleikinn gegn Fram.
Líklega er þessu stillt upp einhvernvegin svona:
Ingvar
Jóhann - Daníel - Baldvin - Hörður
Atli Jó - Halldór - Scholz
Ellert - Garðar - Chopart

Liðin mættust síðast í deild árið 2010. Fyrri leikurinn fór 2-2 á Selfossi og Stjörnumenn unnu seinni leikinn 3-2 í Garðabænum.

Leikurinn fer að hefjast en liðin eru að ganga út á völlinn. Silfurskeiðin er mætt með látum í stúkuna en minna sést enn sem komið er af Skjálfta.

Leikurinn er hafinn og heimamenn byrja með boltann og sækja í átt að frjálsíþróttavelllinum.

Stefán Ragnar liggur meiddur á vellinum og virðist hafa misstigið sig. Hann er borinn af velli og Sigurður Eyberg kemur inná hans stað.

Endre Brenne er kominn í stöðu miðvarðar og Sigurður Eyberg fór í sína stöðu í hægri bakverði. Bæði lið eru nokkuð spræk hér í upphafi.

Róðurinn verður þungur hjá heimamönnum núna. Garðar Jó var í góðum séns á markteig en náði ekki að pota boltanum í átt að marki er hann kom fyrir markið.

Kenny Chopart í dauðafæri eftir mistök hjá Babacar sem kominn er í miðvörðinn en skotið framhjá markinu.

Stjörnumenn eru nokkuð slegnir eftir markið og Jón Daði var rétt sloppinn einn í gegn en Ingvar var vel á verði og náði að hreinsa útaf.

Fín stemming kominn í stúkuna þó áhorfendur mættu vera fleiri. Skjálftamenn eru mættir á svæðið og Silfurskeiðin er í góðu formi líka.

Selfyssingar eru nokkuð ágengir upp við mark gestana. Jón Daði setti aukaspyrnu rétt fyrir utan beint í vegginn og Cisse og Viðar komust í góða sókn stuttu síðar sem fór forgörðum.

Hálfleikur á Selfossi eftir viðburðarríkan fyrri hálfleik.

Seinni hálfleikur er hafinn og byrjar með stórsókn gestana.

Stefán Ragnar fór á sjúkrahús eftir að hann meiddist en óttast er að hann hafi fótbrotnað. Vonum fyrir heimamenn að svo sé nú ekki.

Viðar Örn í hörkufæri en hitti boltann illa og skaut framhjá.

Ellert Hreinsson í góðu færi eftir góða sókn Stjörnumanna en Ismet varði vel. Bæði lið reyna að sækja og það verður a.m.k. eitt mark til viðbótar í þessum leik það er ljóst.

Stjörnumenn virðast ljónheppnir að hafa ekki fengið á sig víti er Ellert Hreinsson virtist fá boltann í hendina inni í teig eftir að Sigurður Eyberg sendi fyrir markið en einungis horspyrna dæmd. Úr henni fengu Selfyssingar dauðafæri sem þeir náði ekki að nýta.

Halldór Orri með frábært skot fyrir utan teig og Ismet með ekki verri markvörslu. Vel gert hjá báðum.

Jón Daði komst einn í gegn en hikaði of lengi og skaut ekki á markið og labbaði með boltann útaf

Ndiaye einn í gegn en skot hans fór í hliðarnetið.

Leik lokið á Selfossi. Viðtöl og umfjöllun koma inn seinna í kvöld.