Gott kvöld og verið velkomin í þessa beinu textalýsingu frá Laugardalnum.

Það eru Skagamenn sem hæmsækja Framara í kvöld og það þarf ekki að fara mörgum orðum um það hve mikilvægur þessi leikur er. Báðum liðum hefur gengið hörmulega uppá síðkastið og sárvantar öll þrjú stigin.

Framarar halda sama liði frá tapinu gegn Stjörnunni í síðustu umferð en hjá ÍA koma Garðar Gunnlaugsson og Dean Martin inn fyrir Ólaf Val Valdimarsson og Jón Vilhelm Ákason.

Aðstæður til knattspyrnuiðkunar eru hinar fínustu á þjóðarleikvanginum, hlýtt í lofti og völlurinn í toppstandi. Vonandi nýta leikmenn sér aðstæður til að spila góðan bolta og skora eins og nokkur mörk.

Leikurinn er hafinn hér í Laugardalnum og strax eftir 15 sekúndur á Steve Lennon skot að marki ÍA sem Árni Snær ver örugglega í markinu.

Það er greinilegt á upphafsmínútum leiksins að bæði lið ætla að selja sig dýrt hérna í kvöld. Baráttan er í fyrirrúmi og lítið um marktækifæri.

Fyrsta færi leiksins eiga gestirnir.

Dean Martin komst upp að endamörkum og sendi boltann fyrir úr erfiðri stöðu, Ögmundur náði að slá boltann áður en Garðar Gunnlaugsson komst í hann. Úr frákastinu átti Arnar Már Guðjónsson svo slakt skot framhjá úr fínu færi.

Færi hjá Fram.

Lennon spólar sig upp vinstri kantinn og á skot sem fer hárfínt framhjá stönginni. Lennon hefur verið líflegur í leiknum og var þarna nálægt því að bæta sínu öðru marki við.

Ármann Smári missir boltann klaufalega í vörn Skagamanna sem brjóta síðan af sér á nokkuð hættulegum stað. Hlynur Atli skýtur þó hátt yfir úr aukaspyrnunni. Það er nokkuð jafnræði með liðunum þó manni finnist Framarar líklegri til að bæta við heldur en Skagamenn að jafna.

Kára Ársælsson á skot á markið rétt fyrir utan markteig en Ögmundur Kristinsson ver vel í marki Framara.

Hálfleikur í Laugardalnum. Framarar leiða 1-0 en ég hef það á tilfinningunni að mörkin verða fleiri í kvöld.

Leikurinn er hafinn á ný.

Skemmtilegt atvik hér á Laugardalsvelli. Steve Lennon hélt að boltinn væri farinn útaf og tók hann upp með höndum. Hvorki dómarinn né aðstoðarmaður hans höfðu dæmt innkast og því var réttilega dæmd hendi á Lennon.

Úr aukaspyrnunnni skapaðist nokkur hætta áður en Framarar komu boltanum frá.

Jóhannes Karl á þrumuskot í þverslána úr aukaspyrnu rétt fyrir utan vítateig.

Ætli Skagamenn sér eitthvað úr leiknum þurfta þeir að spýta í lófana því fyrir utan þetta skot er ekki mikið í gangi sem segir að þeim takist að skora.

Jón Vilhelm fær boltann í ágætis skotfæri við vítateigslínu en misheppnað skot hans fer framhjá.

Arnar Már kemst í flott færi eftir að Gary Marin átti fínan sprett upp vinstri kantinn, en skot hans rétt fyrir utan markteig fer nokkuð framhjá. Skagamenn virðast vera að vakna.

Það er ekki mikið í gangi hérna og það virðist fátt geta komið í veg fyrir fjórða tap ÍA í deildinni í röð.

Samkvæmt vallarþuli eru mættir 705 áhorfendur í Laugardalinn í kvöld.

Leiknum er lokið með 2-0 sigri Framara. Sigurinn virkaði nokkuð þægilegur og var í raun aldrei í hættu.

Nánari umfjöllun og viðtöl koma seinna í kvöld.