Komiði sæl og verið velkomin í beina textalýsingu frá leik Grindavíkur og Vals í 10. umferð Pepsi-deildar karla.

Grindvíkingar eru enn að leita af sínum fyrsta sigurleik og býst ég við að Guðjón Þórðarsson sé búinn að stappa í þá stálið fyrir þennan leik.

Meðan Valsmenn hafa verið bæði virkilega góðir og eiga það til að detta úr góða gírnum í skemmda gírinn.

Ég vona innilega að þetta verði fjörugur leikur og megi betra liðið vinna.

Jæja þá er þetta hafið og heimamenn byrja með boltann.

Heimamenn eru mun sprækari hér í byrjun leiks, gaman að sjá hvað það skilar þeim .

Alexander Magnússon skallaði boltanum í slánna eftir hornspyrnu frá Scott Ramsay.

Valsmenn voru að gera sig líklega en vörn heimamanna er sterk fyrir.

Rúnar Már Sigurjónsson með fyrsta færi Valsmanna. Boltinn datt fyrir utan teig heimamanna eftir misheppnaða hreinsun Alexanders Magnússonar og þar var Rúnar Már með skot en boltinn fór framhjá.

Matthías Guðmundsson í dauðafæri einn á móti Óskari Péturssyni en Óskar lokaði markinu. Fallegt spil milli Ásgeirs Þórs Ingólfssonar og Guðjóni Pétri og svo vantaði bara að klára hjá Matthíasi en tókst ekki.

Kolbeinn Kárason þurfti að fara af velli eftir högg á höfuðið en hann er búinn að láta plástra sig og kominn aftur inná.

Atli Sveinn Þórarinsson með skalla rétt framhjá markinu eftir hornspyrnu.

Ray Anthony Jónsson með hættulega fyrirgjöf en Atli Sveinn Þórarinsson nær að hreinsa boltann í hornspyrnu sem að Mikael Eklund skallaði boltann hátt yfir markið.

Aukaspyrna á hættulegum stað rétt fyrir utan teig. Rúnar Már Sigurjónsson stillti sér upp og þrumaði knettinum í átt að marki en Óskar Pétursson var vakandi og varði vel í markinu. Gudmundur Ársæll Guðmundsson flautaði svo til leikhlés eftir spyrnuna.

Síðari hálfleikur er hafin og eru það Valsmenn sem að byrja með boltann.

Guðmundur Ársæll Guðmundsson með skelfilega ákvörðun. Magnús Björgvinsson var sloppinn einn í gegn eftir hagnað en Guðmundur dómari leiksins flautaði aukaspyrnu og allt alveg vitlaust hjá stuðningsmönnum Grindavíkur ásamt leikmönnum ótrúleg ákvörðun alveg.

Rúnar Már Sigurjónsson með þrumuskot eftir aukaspyrnu en Óskar Pétursson varði boltann á línu og greip svo knöttinn. Óskar er alveg staðráðinn í því að halda hreinu.

Alexander Magnússon leggst hérna niður og heldur utan um hnéið á sér.

Kristinn Freyr Sigurðsson var næstum búinn að skora eftir klafs við marklínu heimamanna en Óskar Pétursson náði boltanum.

Heimamennn komnir í hraðaupphlaup þrír gegn tveimur varnarmönnum Valsara og var Magnús Björgvinsson aðeins of eigingjarn og skaut boltanum yfir. Pape Faye stóð aleinn og beið eftir sendingu frá Magnúsi.

Matthías Guðmundsson aftur í dauðafæri en Óskar Pétursson varði aftur meistarlega. Óskar búinn að eiga frábæran leik í kvöld.

Leik lokið hér í Grindavík og fyrsti sigur heimamanna staðreynd. Ég þakka fyrir mig, umfjöllun og viðtöl koma seinna í kvöld, takk fyrir.