Komiði sæl og verið velkomin í beina textalýsingu frá leik FH og USV Eshen Mauren í Evrópudeild UEFA. Leikurinn hefst 19:15.

FH teflir fram óbreyttu liði frá 2 - 7 sigrinum á ÍA á Akranesi á laugardaginn. Guðmann Þórisson snýr aftur úr leikbanninu sem var í þá en fer beint á bekkinn. Pétur Viðarsson er því aftur í vörninni og Hólmar Örn Rúnarsson á miðjunni.

Liðin eru mætt út á völl og leikurinn mun senn hefjast. Lið FH leikur í nýjum búningum í dag sem eru sérstaklega framleiddir fyrir Evrópukeppni, sem er ekki með eins áberandi auglýsingu og stærra númeri á bakinu. Búningarnir eru plain hvítir með engum strípum og ekki bera ekki merki adidas eins og venjulega þó buxurnar séu hefðbundnar svartar með hvítum adidas röndum.

Leikurinn er hafinn. Gestirnir í Echen Mauren byrja með boltann og leika í átt að Garðabæ.

Atli Guðnason komst einn gegn markverði gestanna eftir sendingu frá Birni DAníel en Benjamin Buchel markvörður varði.

Emil Pálsson meiddist eftir samskipti við leikmann gestanna og liggur nú utan vallar. Markahrókurinn gamli Jónas Grani Garðarsson gerir að meiðslum hans en hann er í dag sjúkraþjálfari FH.

Björn Daníel kom boltanum inn á Atla Guðna í dauðafæri. Atli reyndi að setja boltann milli fóta Buchel í markinu en hann varði frá honum.

Atli Guðnason enn einu sinni í dauðafæri en núna skaut hann yfir markið af stuttu færi eftir hornspyrnu.

FH-ingar eru að skapa sér fínustu færi til að skora mörk en boltinn vill ekki inn ennþá.

Emil Pálsson sendi boltann frá endamörkum út í teiginn þar sem Björn Daníel kom á ferðinni og skaut að marki en vel framhjá.

Pressan er að aukast hjá FH-ingum. Núna komst Hólmar í gott skotfæri rétt fyrir utan teig en skaut beint á markvörðinn.

Hólmar Örn í mjög góðu skallafæri eftir fyrirgjöf Björns Daníels frá vinstri kanti. Hann reyndi að skalla niður í hægra hornið en Buchel varði enn einu sinni.

Valdet Istrefi hægri kantmaður gestanna var næstum búinn að skora þegar hann setti boltann upp í samskeytin fjær á markinu en hafnaði á tréverkinu. Þarna skall hurð nærri hælum og FH-ingar heppnir að liðsfélgar hans hjálpuðu ekki til með að fylgja á eftir.

Það er kominn hálfleikur í Kaplakrikanum. FH leiðir með einu marki gegn engu sem Albert Brynjar Ingason skoraði rétt í lok fyrri hálfleiksins.

Síðari hálfleikur er hafinn. Gestirnir gerðu eina breytingu í hálfleik sem má sjá hér að neðan.

FH-ingar hafa sótt eftir að þeir fengu á sig markið og verið nærri því að skora. Núna var Björn Daníel að setja boltann framhjá eftir hornspyrnu.

FH er miklu betra liðið á vellinum í kvöld og sækir stöðugt að marki gestanna frá Liechtenstein. Einhverra hluta vegna er þeim samt ekki að takast að skora mörk og hefðu vel getað lent undir rétt áðan þegar Eren Dulundu skallaði framhjá.

Leikmenn Eschen Mauren nýta hvert einasta tækifæri til að kæfa leikinn niður og tefja eins og þeir geta. Tempóið í leik FH-inga er því að detta niður.

Skalli Péturs Viðarssonar eftir hornspyrnu var varinn á marklínu.

Viktor Örn með fast lágt skot utan af velli sem var varið.

Einar Karl með fast skot út við stöng sem var varið. Skömmu síðar var Atli Viðar einn gegn markverði, fór framhjá honum en var í þröngu færi og varnarmenn komu boltanum í horn.

Þremur mínútum var bætt við leiktímann.

Leiknum er lokið með 2 - 1 sigri FH. Frekari umfjöllun og viðtal hér á Fótbolta.net í kvöld.