SKÝRSLAN: Valur valtaði yfir Fylki í Árbænum
Hvað réði úrslitum?
Valur spilaði frábæran leik í kvöld og voru yfir á flest öllum stöðum vallarins. Kláruðu leikinn í fyrri hálfleik með fjórum frábærum mörkum. Gáfu síðan aðeins eftir í byrjun síðari hálfleik en gáfu aftur í og kláruðu leikinn vel.
Bestu leikmenn
1. Sigurður Egill Lárusson (Valur)
Siggi Lár var frábær í vinstri bakverðinum hjá Val í kvöld og var upp og niður vinstri vænginn. Lagði upp tvö og skoraði eitt sjálfur. Fullkomin dagur á skrifstofunni hjá Sigga Lár í kvöld.
2. Adam Ægir Pálsson (Valur)
Adam Ægir var frábær í fyrri hálfleik en dró aðeins af honum í síðari. Lagði upp og skoraði sjálfur eitt í kvöld og AP heldur áfram að sýna hvers megnugur hann er.
Atvikið
Sjálfsmarkið hjá Unnari Stein - Lúkas Logi fékk boltann við vítateig Fylkismanna og gaf boltann fyrir og Unnar Steinn hamraði boltann í sitt eigið net. Dagur sem Unnar Steinn væri til í að gleyma sem fyrst.
Hvað þýða úrslitin?
Fylkismenn eru á botni deildarinnar með þrjú stig á meðan Valsmenn eru komnir upp að hlið Víkinga á toppi deildarinnar og eru bæði liðin með tólf stig en Víkingar eiga leik inni á morgun.
Vondur dagur
Varnarleikur Fylkis - Varnarleikurinn var alls ekki góður hjá Fylkismönnum í kvöld og ef liðið ætlar að gera eitthvað í þessari deild þá þarf liðið að laga varnarleik liðsins.
Dómarinn - 9.0
Pétur Guðmundsson þurfti ekki að gera mikið í kvöld en var flottur.