SKÝRSLAN: Markaveisla á Greifavellinum
Hvað réði úrslitum?
FH var með yfirhöndina lengst af í fyrri hálfleik en missti stjórn á leiknum eftir að KA komst yfir í uppbótartíma fyrri hálfleiks.
Bestu leikmenn
1. Hallgrímur Mar Steingrímsson
Lagði upp tvö fyrstu mörkin og var líflegur í sóknarleik KA.
2. Daníel Hafsteinsson
Átti frábæran leik og kom KA mönnum á bragðið með góðu marki.
Atvikið
Björn Daníel Sverrisson var borinn af velli eftir rúman hálftíma leik. Mikið áfall fyrir FH en hann virtist meiðast á hné. Tíu mínútum síðar lá Sindri Kristinn Ólafsson markvörður liðsins eftir samstuð við samherja en hann kláraði leikinn.
Hvað þýða úrslitin?
KA komið i 4. sætið með 8 stig eftir fimm umferðir. Mikið fagnaðarefni fyrir norðanmenn að skora mörg mörk í dag, það hefur vantað upp á markaskorunina í upphafi. FH heldur áfram í brasi á útivelli, 10 mörk á sig í þremur leikjum og eitt stig. Liðið er í 5. sæti með sjö stig.
Vondur dagur
Útivöllurinn hjá FHingum er ekki að gefa. Voru með yfirhöndina í fyrri hálfleik en nýttu sér það alls ekki nægilega vel.
Dómarinn - 7
Var með góða stjórn á leiknum. Ekkert út á hann að setja.