SKÝRSLAN: Evrópuævintýri Víkinga úti að sinni
Hvað réði úrslitum?
Fyrri hálfleikurinn var gríðarlega ólíkur þeim síðari. Víkingar voru ekki að ná að tengja saman sendingar og spila sig út úr góðri pressu Riga en í síðari hálfleik var þetta allt annað og fókusinn breyttist svolítið í uppspili Víkinga sem og góðar skiptingar sem sprengdu þetta svolítið upp þegar leikmenn RIga voru farnir að þreytast. Virkilega svekkjandi að ná ekki að koma inn öðru marki og fara í framlenginguna því momentið var svo sannarlega með Víkingum en dugði bara ekki til.
Bestu leikmenn
1. Ingvar Jónsson
Var flottur í marki Víkinga. Steig upp þegar á reyndi og varði t.a.m einn á einn stöðu í fyrri hálfleik. Var líka flottur í uppspili Víkinga og hélt svo auðvitað hreinu sem var mikilvægt.
2. Logi Tómasson
Var góður í kvöld og óheppinn að skora ekki. Átti fínar tilraunir en því miður féll það ekki fyrir hann í kvöld. Var líka þokkalegur varnarlega.
Atvikið
Danijel Djuric fellur tvívegis í teignum en fær ekkert nema spjald fyrir dýfu. Hefði mögulega spilast allt öðruvísi ef Víkingar hefðu fengið víti og náð að nýta það.
Hvað þýða úrslitin?
Víkingar eru úr leik í Evrópukeppni þetta árið.
Vondur dagur
Þetta er kannski full lituð skoðun en dómarinn Alessandro Dudic fannst mér bregðast á stórum mómentum í dag.
Dómarinn - 3
Mögulega var það orðsporið sem Danijel Djuric er með á sér sem stráði smá sandi í augu dómarans en Víkingar áttu að fá víti. Gerðu tilkall til þess að fá fleirri víti og hefði alveg mátt fá amk eitt. Hendi í lokasókninni mögulega en dæmir þess í stað á Víkinga. Bar full miklar virðingu fyrir atvinnuliðinu í kvöld fannst mér.