SKÝRSLAN: Leikur tveggja hálfleika í Mosfellsbænum
Hvað réði úrslitum?
Grótta nýttu sér ekki nóg að vera með yfirhöndina í fyrri hálfleiknum, Aftureldingarstelpur mættu mun betri í seinni hálfleikinn og nýttu sín færi.
Bestu leikmenn
1. Eva Ýr Helgadóttir
Stórkostleg í markinu í dag, henni að þakka að staðan var ekki 0-4 í hálfleik. Ótrúlega traust í rammanum!
2. Jamie Renee Joseph
Byrjar leikinn í hafsent, er færð uppá miðjuna eftir 10 mínútur eftir að Hildur meiddist. Svo skorar hún og leggur upp, er hægt að biðja um meira?
Atvikið
Fyrsta mark Aftureldingar. Með þessu marki fengu Aftureldingarstelpur blóð á tennurnar og tóku yfir leikinn.
Hvað þýða úrslitin?
Afturelding jafnar Gróttu að stigum, bæði lið eru með 17 stig í 5. og 6. sæti. Toppbaráttan er ennþá opin fyrir bæði lið.
Vondur dagur
Cornelia Baldi Sundelius í marki Gróttu átti virkilega vondan dag í dag, leikur sem hún vill gleyma sem fyrst. Missir boltann í fyrsta markinu og óheppilegt sjálfsmark.
Dómarinn - 5/10
Skrítinn leikur hjá Sindra, oft sem að hann hefði átt að vera harðari með spjöldin og leyfði leiknum að fljóta þegar augljós brot áttu sér stað. Nokkur skrítin atvik áttu sér stað hjá AD2, honum Kristoferi, þar á meðal ein galin rangstæða sem var dæmd.