Íslands og bikarmeistararnir hefja titilvörnina á sigri hér í dag.

Þurftu að hafa fyrir því að ná yfirhöndinni en um leið og markið datt sem kom þeim yfir var þetta aldrei spurning.

Viðtöl og skýrsla væntanleg seinna í dag.

Þó bikarmeistararnir hafi lent undir eftir undramark Víðismanna gengu Víkingar frá leiknum í seinni hálfleik og unnu 4-1 @mjolkurbikarinn ???????? @vikingurfc @vidir_gardi pic.twitter.com/iTZG3GcoKs

— RÚV Íþróttir (@ruvithrottir) April 25, 2024

Fáum +2 í uppbót.

Helgi Guðjóns aftur með hættulegan bolta fyrir markið sem ratar út á fjærstöng þar sem Karl Friðleifur setur hann fastann fyrir í hættusvæðið en þar var enginn Víkingur.

Helgi Guðjóns með flotta fyrirgjöf fyrir markið sem Niko Hansen nær að koma höfðinu á en Joaquin ver vel.

Hörku sókn frá Víkingum og Joaquin aftur með stórkostlega markvörslu en flaggið á loft.

Joaquin með frábæra tvöfalda vörslu en flaggið fór á loft eftir fyrra skotið.
Sveinn Gísli með skot sem Ari Sigurpáls reyndi að fylgja á eftir.

Sveinn Gísli á eiginlega skilið eitt mark í þessum leik. Hefur verið mjög góður og fengið færin en ekki alveg dottið fyrir hann.

Verður áhugavert að sjá hvort Víðir haldi haus og geri Víkingum áfram erfitt fyrir eða hvort þetta mark hafi brotið þá eða dældað í þeim sjálfstraustið.

Þung sókn hjá Víkingum en ná ekki að koma skoti á markið.

Arnar ekki verið sáttur með gang mála og gerir þrefalda breytingu til að reyna hrista upp í þessu hjá sínum mönnum.

ALVÖRU MARK! David Toro Jimenez kom Víði yfir gegn ríkjandi bikarmeisturunum, sirka 70 metra færi. Vá! ???????? @vidir_gardi pic.twitter.com/gDiqApbPjZ

— RÚV Íþróttir (@ruvithrottir) April 25, 2024

Maður finnur að það er að byggjast upp einhver smá pirringur hjá Víkingi.

Markús Máni reynir að keyra á Ekroth.

Get ekki sagt að þetta sé sanngjörn barátta endilega og Ekroth hirðir af honum boltann nokkuð auðveldlega.

Víðismenn counter-a Víkinga hratt og Markús Máni á skot sem Pálmi Rafn ver í horn.

Kemur hinsvegar ekkert úr þessu horni.

Daði Berg með tilraun en Joaquin sér við honum á nærstöng.

Víkingur fer mjög hátt upp með liðið sitt. Allir nema Ekroth komnir fram fyrir miðjuboga á vallarhelmingi Víðis.

Markús Máni sparkar okkur af stað aftur.

Liðin fara jöfn inn til búningsherbergja inn í hálfleik.

Stórkostlegt mark frá Víði var svarað stuttu seinna með góðu marki frá heimamönnum.

Víkingar stýrt leiknum en gengið erfiðlega að komast í einhver alvöru færi. Víðir hafa verið flottir varnarlega og þau fáu skipti sem þeir komast fram þá hefur verið einhvern ógn í því.

Fáum +1 í uppbót.

Sending fyrir markið sem Helgi Guðjóns nær að henda sér á en Joaquin í marki Víðis varði vel.

Halldór Smári með tilraun hátt yfir markið.

Óskar Örn með fyrirgjöf fyrir markið og Sveinn Gísli er í boltanum en Joaquin var alveg með þetta á lás.

Víkingar eru að dóminera með boltann en á sama tíma ekki að skapa sér nein afgerandi færi.

Vantaði smá gæði í þetta frá Víði en halda boltanum eftir slakt horn. Þeir gerðu vel með að keyra bara á Víkingana en náðu þó ekki skoti að marki.

Víðir fær sjaldséða sókn á hinum endanum og gera vel í að vinna horn. Markús Mani á skot sem fer af varnarmanni og afturfyrir.

Helgi Guðjóns með frábæran bolta fyrir markið en Daði Berg stýrir boltanum yfir markið!

Viktor Örlygur með fína spyrnu og sýndist Víðismenn ná að bjarga á línu skalla frá Sveini Gísla og koma boltanum burt.

Víkingar með fínasta spil og vinna hornspyrnu.

Markús Máni með svakalegan sprett og hleypur í gegnum hálfa vörn Víkinga áður en þeir ná að stöðva hann rétt við vítateigslínuna.

Óskar Örn með skemmtileg tilþrif en skotið rétt framhjá.

Joaquin markvörður Víðis strax búin að fá tiltal frá dómara leiksins fyrir tafir.

Þessi leikur er svolítið að spilast eins og við var að búast. Víkingar nær einvaldir með boltann en Víðir eru þéttir tilbaka.

Sveinn Gísli með fyrstu tilraun leiksins. Fær langa sendingu á fjær og smellir boltanum rétt framhjá.

Titilvörnin er farinn af stað. Helgi Guðjóns sparkar okkur af stað.

Bikarmeistarar síðasta árs mætast í Víkinni hér í dag þegar Víkingur hefur titilvörnina í Mjólkurbikarnum. Liðið mætir Víði í 32-liða úrslitunum en Víðir vann Fótbolti.net bikarinn á síðasta ári.



Fótbolti.net ræddi við Svein Þór Steingrímsson fyrir leikinn í dag en hann er þjálfari Víðis.

„Þetta leggst gríðarlega vel í mig, það er ekkert alltaf sem liðin í deildunum fyrir neðan fá að mæta besta liði landsins og við fáum tækifæri til þess. Við ætlum að njóta þess í botn."

„Það verður gaman að fara í Víkina. Það skemmir ekki fyrir að þetta sé útileikur því Víðisvöllurinn er ekki orðinn klár. Hann er að okkar mati besti grasvöllur á landinu þegar hann er í lagi. Það er flott að fara í Víkina, bullandi stemning og vonandi verður vel mætt."



Víðir hefur unnið sex bikarleiki í röð, fjóra í .net bikarnum í fyrra og tvo í Mjólkurbikarnum í ár - alvöru bikarlið.

„Við fengum tvo flotta leiki núna; Sindra og KFK sem eru með okkur í deild. Það er bikar'vibe' yfir Víði."

Er einhver leið að skáka Víkingunum?

„Það hafa allavega fá lið getað það síðastliðin ár. En maður verður alltaf að trúa því allavega þegar við komum í leikinn að það séu einhverjar leiðir. Við setjum upp plan með strákunum í vikunni, plan sem við þurfum að fylgja til að eiga einhvern séns. Miði er möguleiki eins og einhver sagði. Annað eins hefur gerst í bikarkeppnum. Við verðum að trúa því að við getum komið með eitt svoleiðis ævintýri á fimmtudaginn."

Er undirbúningurinn öðruvísi en fyrir hefðbundinn deildarleik?

„Maður horfir mikið á fótbolta og hef séð marga leiki með Víkingi í gegnum tíðina. Þeir geta meitt lið á svo marga vegu. Maður þarf að vera undirbúinn fyrir allt."

„Auðvitað erum við að mæta andstæðingum sem eru nokkrum klössum fyrir ofan okkur. Við þurfum aðeins að breyta út frá því hvernig við viljum vanalega spila. Þetta er aðeins öðruvísi undirbúningur."

„Fyrir okkur er þetta frábær leikur að fá á þessum tímapunkti, síðasti leikur fyrir deildina. Þú ferð ekkert í þennan leik og ætlar að svindla á einhverju hlaupi eða eitthvað svoleiðis. Þetta getur sett tóninn fyrir tímabilið," sagði Sveinn að lokum.

   23.04.2024 17:30

Bikarmeistarar síðasta árs mætast í Víkinni - „Getur sett tóninn fyrir tímabilið"

Twana Khalid Ahmed heldur utan um flautuna hér í dag og honum til aðstoðar verða Hreinn Magnússon og Sigurður Schram.

Þessi lið hafa í gegnum tíðina ekki beint lagt það í vana sinn að mætast innbyrðis en það hefur þó gerst 9 sinnum í leikjum á vegum KSÍ.

Víkingur hefur fimm sinnum (56%) haft betur.
Liðin hafa einusinni (11%) skilið jöfn.
Víðir hefur þrisvar sinnum (33%) haft betur.



Síðast mættust þessi lið í þá Coca-Cola bikar karla 1998.
Sá leikur fór 2-2 og hafði Víkingur sigur eftir vítaspyrnukeppni.

Bestu deildarliðin koma inn í keppnina í 32-liða úrslitum svo þetta mun vera fyrsti leikur Víkinga í átt að því að verja titilinn.

Leið Víðis

Víðismenn komu inn í bikarinn strax í fystu umferð. Þeir fengu heimaleik gegn Sindra í fyrstu umferð.
Víðir 2-1 Sindri

Víðir dróst næst á útivöll gegn KFK.
KFK 0-3 Víðir

Verið hjartanlega velkomin til leiks á heimavöll hamingjunnar í víkinni þar sem bikarmeistarar Víkings hefja titilvörn sína gegn fotbolti.net bikarmeisturum Víðis frá Garði í 32-liða úrslitum Mjólkurbikars karla.