Dalvíkingar voru bara drulluflottir tíu á móti ellefu. Þeir brugðust miklu betur við rauða spjaldinu en ÍR - sem er mjög athyglisvert - og voru að lokum bara óheppnir að vinna ekki leikinn.

Það eru eiginlega tvö atvik. Það er í fyrsta lagi vítaspyrnan sem var ekki. ÍR fékk vítaspyrnu sem var tekin til baka. Að mínu mati var vítaspyrna réttur dómur þar en hún fékk ekki að standa. Svo er það markið í blálokin sem Dalvík/Reynir skorar en það er tekið af vegna rangstöðu. Mér sýndist hann vera réttstæður á vellinum og líka þegar ég horfi á endursýningu.

Bæði lið eru um miðja deild eftir fjóra leiki með fimm stig og eru að koma á óvart í byrjun móts, þá sérstaklega Dalvíkingar sem nánast allir spáðu neðsta sæti.

Gef Abdeen Abdul þetta. Hann var klaufi að láta reka sig út af. Það var hárréttur dómur. Eiginlega eins og hann væri að biðja um þetta. Dragan ætlar að fara yfir þetta með honum.

Mér fannst fyrri hálfleikurinn bara nokkuð vel dæmdur, en seinni hálfleikurinn ekki. Dalvík fannst mér eiga að fá vítaspyrnu þegar Nikola Kristinn fellur í teignum á 54. mínútu en það var ekkert dæmt þar. Svo finnst mér þetta vera rétt þegar hann dæmir víti fyrir ÍR, en svo tekur hann það til baka. Svo er mark tekið af Dalvík í lokin sem mér finnst vera rangur dómur miðað við sjónarhornið mitt á vellinum og miðað við þær endursýningar sem ég hef séð. Þetta eru stórir dómar sem dómarateymið er ekki með rétt að mínu mati.