Gestirnir taka stigin þrjú héðan af Dalvíkurvelli. Heimamenn gerðu vel í að jafna metin eftir erfiðan fyrri hálfleik en eftir jöfnunarmarkið tóku gestirnir öll völd og skoruðu tvö mörk með stuttu millibili.

Afturelding gerði vel í að halda forustu sinni til loka leiks og góður tveggja marka sigur í höfn.

Takk fyrir samfylgdina. Þangað til næst.

+6

Horn. D/R.

+5

Aron Máni með flotta fyrirgjöf frá vinstri. Boltinn yfir á Rúnar Helga sem reynir að leggja boltann inn í teig. Gestirnir losa boltann burt.

+4

Jóhann Örn með frábæra stungusendingu í gegn. Amin er eldfljótur og kemur sér í fínt færi en skot hans ekki nægilega gott. Jökull ver vel og heldur bolta.

Lokamínúta venjulegs leiktíma.

Elmar gerir frábærlega úti hægra megin. Finnur Patrek Orra inni í teig. Patrekur nær skoti úr fínu færi en skotið ekki nægilega gott. Franko fer niður og heldur boltanum.

Gestirnir fyrstir í þennan bolta og hreinsa.

Hornspyrna sem heimamenn eiga.

Spyrnan góð og Bissi fyrstur í boltann. Fer af bakinu á honum, í varnarmann og afturfyrir. Önnur hornspyrna.

Kaotísk sókn endar með skoti frá Aroni Elí en boltinn vel yfir markið.

Gestirnir vildu vítaspyrnu í sömu sókn þegar Sævar Atli féll en ekkert dæmt. Sævar liggur hinsvegar eftir á plastinu.

Borja, spyrnumaður góður, tekur spyrnuna og Jökull þarf að hafa sig við að verja. Hornspyrna.

Tilviljanakennd sókn endar með því að Breki fær aukaspyrnu við vítateigshornið.

Skotfæri fyrir góðan spyrnumann.

Laglegt spil gestanna endar með því að Andri Freyr fær boltann inni í teig D/R. Nær skotinu en boltinn í varnarmann og þaðan í hendur Franko.

Elmar Kári keyrir inn að marki frá hægri. Nær góðu skoti úr þröngu færi en Franko gerir vel í að verja.

Aron J. liggur eftir en sóknin heldur áfram. Boltinn berst út til vinstri á Hrannar sem nær skoti að marki. Boltinn beint í hendur Franko.

Áki spyrnir boltanum fyrir en það eru grunsamlega margar bláar treyjur mættar inn í markteig.

Rangstaða.

Heimamenn rúlla boltanum af stað.

Afturelding fer sennilega verðskuldað marki yfir inn í hálfleikinn en D/R ógnaði heldur betur undir lok hálfleiksins og hefðu, með smá heppni, getað jafnað leikinn.

Nóg eftir. Spennandi fjörtíu og fimm mínútur framundan.

+1

Hornspyrna Áka mjög góð í þetta skiptið. Borja mætir boltanum á nærstöng en Jökull nær að verja. Önnur hornspyrna en ekkert kemur úr henni.

+1

Áki með hörkuskot að marki með vinstri fæti. Boltinn hinsvegar nálægt Jökli sem slær boltann aftur fyrir.

D/R fær hornspyrnu.

Spyrnan frá Áka alls ekki góð og endar á fyrsta manni. Sókn heimamanna heldur áfram.

Aron J. tekur spyrnuna en heimamenn rísa hæst og skalla boltann burt.

Alejandro liggur eftir í grasinu. Vann boltann með stórgóðri tæklingu en virtist finna fyrir höggi.

Vonandi fyrir heimamenn að hann geti haldið leik áfram.

Aron J. með fyrirgjöf úr aukaspyrnu frá hægri. Franko gerir virkilega vel í að kýla boltann burt.

Sævar Atli afar nálægt því að komast í dauðafæri. Bissi stöðvar hann á síðustu stundu.

Góð sókn heimamanna upp vinstra megin. Fyrirgjöf inn í teig þar sem Borja kom á ferðinni. Nær skotinu með vinstri í fyrsta en boltinn, líklega af varnarmanni eða Jökli, og þaðan í stöng (mögulega) og afturfyrir. Þetta gerðist alveg hinumegin á vellinum svo það var erfitt að sjá.

Ekkert varð úr hornspyrnunni.

Boltinn gengur manna á milli áður en Hrannar reynir að senda boltann Andra inni í teig en Alejandro kemst fyrir.

Aron J. með tilraun fyrir utan teig. Boltinn vel yfir markið.

Spyrnan ekkert sérstök frá Aroni J. Heimamenn hreinsa.

Hrannar með góðan sprett upp vinstra megin. Sendi boltann fyrir en Bissi hreinsar.

Horn.

Gestirnir sækja mikið upp vinstra megin. Aron Elí verið á áætlun það sem af er upp kantinn.

Breki brotlegur úti hægra megin. Gestirnir eiga aukaspyrnu úti við hliðarlínu.

Borja skallar boltann hinsvegar burt.

Georg, að mér sýndist kominn í færi inni í markteig D/R. Færið þröngt en skotið gott. Boltinn smellur í þverslánni og niður áður en heimamenn ná að hreinsa.

Leikurinn er endanna á milli en fátt er um marktækifæri. Heimamenn átt álitlegar sóknir en hafa ekki náð að ógna marki Mosfellinga.

D/R fær horn. Áki yfir boltanum.

Spyrnan fín en boltinn hárfínt yfir Alejandro á fjærstöng.

Heimamenn halda vel í bolta í upphafi leiks. Bæði Amin og Hassan eru röskir og pressa hátt.

Góða skemmtun.

Liðin ganga inn á völl við lófatak og kynnt til leiks af einskærri snilld.

Liðin hafa gengið til búningsherbergja til lokaundirbúnings. Styttist í fjörið.

D/R vann botnbaráttuleikinn gegn Gróttu á Seltjarnarnesi í síðustu umferð á meðan Afturelding gerði jafntefli á móti Leikni frá Reykjavík í Mosfellsbæ.

Leikur dagsins er gríðarlega mikilvægur báðum liðum. Heimamenn berjast fyrir lífi sínu á botni deildarinnar á meðan Mosfellingar vonast til að klifra upp deildina, en staða þeirra í deild verður að teljast vonbrigði.

Ágætlega viðrar á Dalvík í dag. Létt gola og úrkomulaust, en norðlenska sumarið hefur yfirgefið okkur.

Napurt.

Aðstoðardómarar: Eðvarð Eðvarðsson og Arnór Bjarki Hjaltalín. Eftirlitsmaður: Valdimar Pálsson.

1. Fjölnir - 32 stig
----------------------
2. ÍBV - 31
3. Keflavík - 27
4. Njarðvík - 26
5. ÍR - 26
----------------------
6. Afturelding - 21
7. Þróttur - 20
8. Þór - 18
9. Grindavík - 17
10. Leiknir - 16
----------------------
11. Dalvík/Reynir - 13
12. Grótta - 13

miðvikudagur 14. ágúst
18:00 Dalvík/Reynir-Afturelding (Dalvíkurvöllur)
18:00 ÍBV-ÍR (Hásteinsvöllur)
18:00 Grindavík-Þór (Stakkavíkurvöllur-Safamýri)
19:15 Þróttur R.-Grótta (AVIS völlurinn)
19:15 Njarðvík-Fjölnir (Rafholtsvöllurinn)
19:15 Leiknir R.-Keflavík (Domusnovavöllurinn)

Þegar liðin mættust 8. júní vann Afturelding 4-3 sigur!

Afturelding 4 - 3 Dalvík/Reynir
1-0 Georg Bjarnason ('30)
1-1 Abdeen Temitope Abdul ('38)
2-1 Gunnar Bergmann Sigmarsson ('43)
3-1 Elmar Kári Enesson Cogic ('50, víti)
3-2 Abdeen Temitope Abdul ('60)
3-3 Amin Guerrero Touiki ('75)
4-3 Hrannar Snær Magnússon ('82)

   08.06.2024 17:05

Lengjudeildin: Afturelding hafði betur í sjö marka leik

Bjarni Páll Linnet Runólfsson er kominn með fjögur gul spjöld og Bjartur Bjarmi Barkarson með sjö. Þeir verða báðir í banni hjá Aftureldingu í kvöld.

„Það þýðir ekkert að horfa á þessa töflu fyrr en mótið er búið. Við þurfum að einbeita okkur að okkur sjálfum og ná í eins flest stig og við getum. Eitt stig í dag, hefði viljað þrjú en næsta verkefni er bara Dalvík og við ætlum að fara þangað og ná í þrjú stig.“ sagði Magnús Már Einarsson þjálfari Aftureldingar eftir 1-1 jafntefli liðsins gegn Leikni í síðustu umferð.

Afturelding er í sjötta sæti með 21 stig, fimm stigum frá umspilssæti.

   08.08.2024 23:13

Maggi: Hiti og tilfinningar í báðar áttir

Dalvík/Reynir er í ellefta sæti deildarinnar að loknum 16 umferðum en liðið vann Gróttu 3-2 á útivelli í síðustu umferð. Það var aðeins annar sigurleikur Dalvíkinga.

„Þetta er frábært og mér líður eins og ég sé 25 kílóum léttari en ég var í morgun. Stórt hrós á strákana hvernig þeir spiluðu í dag því við höfum verið óheppnir í nokkrum leikjum núna upp á síðkastið. Við tókum þrjú stig í dag sem var bara frábært," sagði Dragan Stojanovic, þjálfari Dalvíkur/Reynis, eftir leikinn.

   10.08.2024 18:38

Segist vera 25 kílóum léttari eftir kærkominn sigur

Velkomin með okkur í beina textalýsingu frá Dalvíkurvelli þar sem Dalvík/Reynir fær Aftureldingu í heimsókn. Aðalbjörn Heiðar Þorsteinsson flautar leikinn á klukkan 18.