Þessi skemmtun hér í Árbænum er því miður lokið eða The Björn Daníel show eins og menn eru að kalla þetta.

Viðtöl og Skýrsla á leiðinni takk fyrir mig!

+3 í uppbótar

FH fær horn...
Kjartan Kári tekur.

Geðveik sending hjá Ragnari Braga í gegn á Nikulás Val sem er aleinn en situr hann rétt framhjá. FHingar heppnir þarna!

STURLUÐ TÆKLING hjá Ólafi Guðmunds, Þórður Gunnar að komast í gegn en Ólafur étur hann og Fylkir fær horn...

Hún er hreinsuð út í teiginn þar er Præst sem tekur hann bara á Volleyinum í SLÁNNA þvílíkt skot!!!!!

Aukaspyrna á stórhættulegum stað fyrir FH...

En og aftur í gegnum allan pakkann.

Aukaspyrna á nákvæmlega sama stað og markið hérna fyrir 4 mínútum og Kjartan tekur hana en dæmt brot í teignum.

Tvöföld breyting á leiðinni hjá Fylki.

FH fær aukaspyrnu rétt fyrir framan miðlínuna...

FH fær horn...Böddi tekur.

Boltinn hár og Ólafur grípur hann.

Góð sókn hjá FHingum sem endar hjá Bödda hérna vinstra megin sem kemur með hann fyrir á Bjarna Guðjón sem hreinlega hittir hann ekki.

Aukaspyrna við hliðarlínuna sem Kjartan Kári gerir sig tilbúinn að taka...

Spyrnan góð en í gegnum allan pakkann.

FH fær horn sem Kjartan Kári gerir sig tilbúinn að taka...

Ekkert verður úr því.

FHingar fá aukaspyrnu á stórhættulegum stað, FH eiga eitt stykki Kjartan Kára sem er að gera sig tilbúinn að taka spyrnuna.

Geggjaður bolti sýnist þetta vera Ólafur Guðmunds sem rennir til hans en nær honum ekki og boltinn fer í gegnum allan pakkann, dæmt aukaspyrnu á FH held að Sigurður Bjartur hafi klesst á Ólaf í markinu hjá Fylki.

Seinni hafinn! FH byrja með boltann.

Alvöru fyrri hálfleikur að baki vá mörk,læti og færi biðjum ekki um meira. Tökum korters pásu og mætum síðan aftur í þessa markaveislu.

+1 í uppbót

Böddi á frábæra fyrirgjöf á Björn Daníel og sýnist Sigurbergur Áki keyra í bakið á honum, Arnar Ingi hefði alveg getað flautað þarna!

Ingimar Stöle gerir frábærlega og vinnur horn fyrir FH...

2 hornspyrnur röð sem drýfa ekki yfir fyrsta varnarmann og hún er hreinsuð.

Fylkir fær horn...

Arnór tekur og það fer ekki yfir fyrsta varnarmann sem er Kjartan Kári sem neglir honum í burtu.

Ingimar Stöle situr Kjartan Kára í gegn sem á skot á fjær sem Sigurður Bjartur rennur sér í en boltinn fer rétt framhjá honum! Þetta voru sentimetrar.

FH fær horn..

Böddi tekur hana, frábær spyrna beint á Björn Daníel Sverrisson sem skallar hann í SLÁNNA!!! boltinn fer upp í loftið og Ólafur handsamar hann. VÁ

Kristján Flóki með alvöru vinnslu á kantinum og nær að komast framhjá Arnór Breka og á fyrirgjöf sem rennir beint á Fylkismann sem hreinsar. Frábærlega gert hjá Flóka.

BDS er að eiga vintage season. ‘24 árgerðin rudda. Put the team on his back. Did it for Heimir

Náði tvisvar 9 marka seasoni áður en hann fór út. Kominn í 7 í 19 í ár plús alvöru snuddur og þræðingar um allan völl

Tvö alvöru worldies. Virðing á the grand maester of tuð og touch pic.twitter.com/Lh4vw8kEDe

— Jói Ástvalds (@JoiPall) August 25, 2024

Böddi með geðveikan bolta á hausinn á Sigurð Bjart sem nær ekki að tengja nógu vel við boltan og hann rennur til varnarmanns Fylkis og þeir hreinsa.

Upplegg Fylkismanna er að fara upp hérna hægra megin þar sem Sigurður Bjartur er á miðjunni og mætti segja að það hefur virkað frábærlega hér í byrjun.

Ragnar Bragi með frábæra fyrirgjöf sem endar á fjærstönginni hjá Nikulás Val sem leggur hann aftur fyrir með því missreiknar Sindri boltann en dæmt aftur rangstæðu. Vörn FHinga alls ekki sannfærandi hér í byrjun.

Frábærlega vel gert hjá Birki Eyþórs sem nær einhvern veginn að troða sér á milli varnarmanna FH og leggur hann út á Þórð sem er rangur, góð sókn hjá Fylki.

Mikið af óþarfa brotum á miðsvæðinu hér í byrjun leiks Arnar Ingi gæti farið að veifa spjöldum á næstunni.

Bjarni Guðjón á hörkuskot sem fer beint á Ólaf sem er í smá brasi með hann en endar á að handsama hann.

Skemmtilegt spil sem endar hjá Ingimar Stöle sem á fyrirgjöf sem Sigurbergur Áki hreinsar frá.

Fylkismenn gera vel og vinna síðan hornspyrnu hinu megin...

FH fær horn.

Ekkert verður úr henni.

Fylkismenn að ná að halda í boltann hér í byrjun, kemur mér óvart hvað FHingar eru ekkert sérstaklega að pressa þá.

Arnar Ingi flautar sinn fyrsta leik í deild þeirra bestu á, heimamenn í appelsínugulu byrja með knöttinn.

Liðin ganga inná völlinn, veislan fer að hefjast.

Arnar Ingi Ingvarsson dæmir þennan leik. Þetta er hans fyrsti leikur í Bestu deild karla í sumar en hann hefur verið að dæma í Lengjudeildinni og gert vel þar.

Andri Vigfússon og Þórður Arnar Árnason eru aðstoðardómarar kvöldsins, Ívar Orri Kristjánsson er fjórði dómari og eftirlitsmaður KSÍ er Kristinn Jakobsson.

Rúnar Páll Sigmundsson gerir eina breytingu frá 0-2 útisigri á HK á dögunum. Þóroddur Víkingsson kemur inn fyrir Halldór Jón Sigurð Þórðarson sem fékk rauða spjaldið í síðasta leik og er í leikbanni.


Hjá FH kemur Böðvar Böðvarsson inn eftir að hafa verið í leikbanni í síðasta leik en hann kemur í stað Baldurs Kára Helgasonar og Jóhann Ægir Arnarsson leysir Ísak Óla Ólafsson í miðverðinum þar sem hann tekur út leikbann.

FHingar fengu Valsara í heimsókn í síðasta leik og litli leikurinn sem það var 2-2 jafntefli þar sem Ögmundur Kristinsson markmaður Valsara var svo sannarlega í stuði og FH hefðu svo sannarlega skilið að vinna þann leik en svo fór ekki, 1-1 að 90+4 þar sem Kiddi Freyr kom völsurum í 2-1 en enginn annar en Björn Daníel sem jafnar á 90+7 og nær í mikilvægt stig gegn völsurum!

FHingar hafa verið að fara í gegnum smá erfitt prógram og mikilvægur leikur fyrir þá hérna í kvöld til þess að halda í evrópudrauma sína þar sem þeir eru bara einungis 3 stigum á eftir Val sem er í 3.sæti og 2 stigum á eftir ÍA sem er í því 4 þannig eins spennandi og fallbaráttan er þá er Evrópubaráttan jafn spennandi!

Fylkismenn koma af frábærum 2-0 sigri gegn HK í kórnum þar sem þeir voru meiri segja einum færri þar sem Halldór Jón Sigurður fékk beint rautt spjald og verður þess vegna ekki með í leiknum hér í kvöld, mörk leiksins voru skoruð af þeim Emil Ásmunds og Þóroddi Víkings.

Fylkismenn eru hungraðir í stig þar sem það er einungis 2 stig í 9.sætið þar sem KR sitja, þetta er 4 liða fallbarátta sem er að líta svakalega skemmtilega út þar sem Fylkir er á botninum með 16 stig síðan kemur HK og Vestri með 17 og síðan KR með 18 í 9.sæti og aldrei að vita nema við sjáum hungraða Fylkismenn hér í kvöld og gætum séð alvöru leik hérna á Würth vellinum.

Gott kvöld og hjartanlega velkominn í þráðbeina textalýsingu frá Würth vellinum þar sem Fylkir og FH takast á í 20.umferð bestu deildar karla.

Leikurinn er sýndur á Stöð 2 Sport