Markalaust jafntefli niðurstaðan í kvöld.

Heldur bragðdaufur leikur sem einkenndist af miklum barningi og baráttu. Minna um gæði á síðasta þriðjung. Sækjum stig í fyrsta leik Þjóðardeildarinnar.

Sveindís Jane fær ekki að taka innkastið og þarf að bíða úti við hliðarlínu. Spes í ljósi þess að hún fékk enga aðhlýningu þegar hún og Luana Buehler skullu saman.

Við fáum +4 í uppbót.

Íslenska liðið hefur fjórar mínútur til að finna sigurmark.

Sydney Schertenleib verið hættulegust í liði Sviss. Vinnur horn fyrir Sviss.

Það er ekki margt sem bendir til þess að við munum fá mark í þetta hér í kvöld.

Vonandi er Íslenskt mark í kortunum þó svo útitið sé ekki endilega bjartsýnt.

Sydney Schertenleib með skemmtilega takta og vinnur horn.

Noemi Ivelj reynir fast skot sem fer í höfuðið á Dagný Brynjarsdóttur og hún liggur eftir.

Langt innkast frá Sveindísi Jane skapar ursla í vítateig Sviss en Íslenska liðið nær ekki að koma boltanum á markið í gegnum þéttan Svissneskan pakka.

Íslenska liðið reynir að hrista upp í þessu með tvöfaldri skiptingu.

Sviss að komast í flotta stöðu og sending út í teig ætluð Alayah Pilgrim en hún missir sem betur fer af boltanum.

Mikil barátta og barningur sem einkennir þenann leik.

Vantar aðeins upp á hjá báðum liðum á síðasta þriðjung og enn ekki neitt alvöru færi í þennan leik. Verið mjög lokaður til þessa.

Viola Calligaris með skalla yfir markið eftir hornspyrnu.

Sviss að reyna ógna en þéttur varnarmúr Íslands dílar vel við það.

Langt innkast frá Sveindísi Jane og honum er flikkað á fjær en Sviss nær að koma boltanum frá.

Iman Beney með boltann inni á teig Íslands en nær ekki að finna samherja og Íslenska liðið gríðarlega þétt.

Luana Buehler brýtur á Sveindísi Jane úti hægri.

Karólína Lea tekur aukaspyrnuna og á flottan bolta fyrir en skallinn frá Glódísi Perlu fer framhjá.

Emilía Kiær Ásgeirsdóttir lyftir boltanum yfir mark Sviss í fínu skotfæri.

Hefði viljað sjá þennan fara á markið.

Sydney Schertenleib fer illa með Ingibjörgu en blessunarlega nær ekki að gera neitt meira en það. Var í hörku færi til að skjóta bara sjálf en reyndi að leggja boltann í teiginn en Íslenska liðið kemur þessu frá.

Íslenska liðið sparkar þessu af stað aftur.

Verið heldur lokaður leikur hér í fyrri hálfleik. Hvorugt liðið gefið nein færi á sér.

Vonandi fáum við aðeins meiri skemmtun í seinni hálfleiknum

Einni mínútu bætt við

Sviss reynir fyrirgjöf sem fer í gegnum allan pakkan og Íslenska liðið leggur af stað fram.

Íslenska liðið að reyna spila sig í gegnum vörn Sviss en vantar bara herslumun upp á að komast í gott færi.

Karólína Lea í flottri stöðu og fær hlaup frá Sveindís Jane en hikar og endar svo á að skjóta sjálf beint á Elvira Herzog í marki Sviss.

Spurning hvort hún hafi ekki komið með boltann á Sveindísi Jane því hún hafi verið smeik um rangstöðu eða hvað en þarna var illa farið með góða stöðu.

Fínasta hornspyrna en skallinn frá Hlín framhjá markinu.

Karólína Lea með gott skot út við stöng en Elvira Herzog gerir vel og ver það í horn.

Julia Stierli steinhissa að vera dæmd brotleg þegar hún brýtur á Sveindís Jane við miðlínu. Ef Sveindís Jane hefði náð að snúa væri hún að sleppa ein í gegn.

Sviss í færi en lítil ógn.

Sveindís Jane með fyrirgjöf fyrir markið en skallin frá Glódísi Perlu hittir ekki á markið.

Erum að stilla miðið.

Íslenska liðið vinnur hornspyrnu. Karólína Lea tekur það stutt og fyrirgjöf fyrir markið sem Sviss kemur frá.

Emilía Kiær kemur á blindu hliðina á Viola Calligaris og nær svo skoti sem fer yfir.

Hefði mögulega getað farið örlítið nær en þetta er allt að mjakast í rétta átt.

Langt innkast frá Sveindísi Jane en Sviss kemur þessu burt. Karólína Lea eltir og það er hangið í henni en ekkert dæmt.

Alexandra Jóhannsdóttir með fyrstu tilraun Íslands í kvöld en hittir ekki á rammann, óheppin þarna.

Langt innkast frá Sveindísi Jane drífur alla leið að vítapunkti en Lia Wälti sparkar þessu frá.

Sydney Schertenleib að gera sig líklega en er stöðvuð í teignum.

Gengur aðeins brösulega að halda í boltann og Sviss fljótar að vinna hann til baka.

Þetta er farið af stað. Það er Sviss sem byrjar með boltann.

Liðin ganga út á völl og það styttist í að þetta fari allt af stað.

Þetta er 114. landsleikur Dagnýjar en 113. leikurinn hennar, hennar seinasti landsleikur, kom einmitt gegn Sviss líka fyrir tveimur árum síðan.

Þá er þetta einnig 50. landsleikur Alexöndru Jóhansdóttur.

Þorsteinn Halldórsson hefur tilkynnt byrjunarlið Íslenska landsliðsins fyrir leikinn gegn Sviss í kvöld.

Cecilía Rán stendur milli stanganna en fyrir framan hana eru þær Guðrún Árnadóttir, Glódís Perla, Ingibjörg Sigurðardóttir og Sædís Heiðarsdóttir í varnarlínunni. Á miðsvæðinu verða þær Alexandra Jóhansdóttir, Dagný Brynjarsdóttir og Karólína Vilhjálmsdóttir.

Hlín Eiríksdóttir byrjar úti hægra meginn en Emilía Ásgeirsdóttir á vinstri vængnum og þá byrjar Sveindís Jane upp á topp fyrir íslenska landsliðið í dag. Glódís Perla er að sjálfsögðu fyrirliði liðsins.

Góðan daginn og verið velkomin í beina textalýsingu frá viðureign Sviss og Íslands í Þjóðadeild kvenna.

Leikurinn fer fram á Stadion Letzigrund í Zurich í Sviss og hefst klukkan 18:00.