Byrjunarlið Íslands gegn Sviss: Dagný og Cecilía byrja

Þorsteinn Halldórsson, aðalþjálfari liðsins, stillir upp sterku liði.

Cecilía Rán stendur milli stanganna en fyrir framan hana eru þær Guðrún Árnadóttir, Glódís Perla, Ingibjörg Sigurðardóttir og Sædís Heiðarsdóttir í varnarlínunni. Á miðsvæðinu verða þær Alexandra Jóhansdóttir, Dagný Brynjarsdóttir og Karólína Vilhjálmsdóttir.

Hlín Eiríksdóttir byrjar úti hægra meginn en Emilía Ásgeirsdóttir á vinstri vængnum og þá byrjar Sveindís Jane upp á topp fyrir íslenska landsliðið í dag. Glódís Perla er að sjálfsögðu fyrirliði liðsins.

Samkeppnin um markmannstöðuna er hörð en Cecilía hefur spilað vel með Inter á þessu tímabili en hún er þar á láni frá Bayern Munchen.

Þetta er 114. landsleikur Dagnýjar en 113. leikurinn hennar, hennar seinasti landsleikur, kom einmitt gegn Sviss líka fyrir tveimur árum síðan. Þá er þetta 50. landsleikur Alexöndru Jóhansdóttur.

Leikurinn byrjar 18:00 og verður í þráðbeinni textalýsingu á Fótbolti.net. Það má finna byrjunarlið Íslands og Sviss hér að neðan.